ନୂଆଦିଲ୍ଲୀ: ମହାରାଷ୍ଟ୍ର ଏବଂ ମଧ୍ୟପ୍ରଦେଶର ଅନେକ ସ୍ଥାନରେ ରାତିର ଅନ୍ଧକାରରେ ଦେଖାଦେଇଛି ଏକ ରହସ୍ୟମୟ ଆଲୋକ। ଏହି ଦୃଶ୍ୟ ଆକାଶରେ ଦେଖିବାକୁ ମିଳିଥିଲା। ଲୋକଙ୍କ କହିବାନୁଯାୟୀ, ସେମାନେ ଅନେକ ଉଜ୍ଜ୍ଵଳ ରେଖା ଦେଖିଛନ୍ତି। ଏହାପରେ ଅନୁମାନ କରାଯାଉଥିଲା ଯେ, ଏହା ଉଲ୍କା ପିଣ୍ଡ ବର୍ଷା କିମ୍ବା ତଳକୁ ଖସୁଥିବା କୌଣସି ଉପଗ୍ରହ ହୋଇପାରେ। ଏହି ରହସ୍ୟମୟ ଆଲୋକକୁ ଲୋକେ କ୍ୟାମେରାରେ କଏଦ କରି ସାମାଜିକ ଗଣମାଧ୍ୟମରେ ଶେୟାର ମଧ୍ୟ କରିଛନ୍ତି। ତେବେ ଏହା ଚୀନ ରକେଟ୍ର ଅଂଶ ବୋଲି ବୈଜ୍ଞାନିକମାନେ ଦାବି କରିଛନ୍ତି।
#WATCH | Maharashtra: In what appears to be a meteor shower was witnessed over the skies of Nagpur & several other parts of the state. pic.twitter.com/kPUfL9P18R
— ANI (@ANI) April 2, 2022
ସୂଚନା ଅନୁସାରେ, ମହାରାଷ୍ଟ୍ରର ନାଗପୁର, ଚନ୍ଦ୍ରପୁର, ଅକୋଲା ଓ ଜଲଗାଓଁ ସହ ମଧ୍ୟପ୍ରଦେଶର ଇନ୍ଦୋର, ଖରଗୋନ, ଝାବୁଆର ଅନେକ ଜିଲାରେ ଲୋକେ ରାତିରେ ଆକାଶରେ ଏହି ରହସ୍ୟମୟ ଆଲୋକ ଦେଖିଥିବା ଦାବି କରିଛନ୍ତି। ଏହାପରେ ଲୋକମାନଙ୍କ ମଧ୍ୟରେ ଗୁଜବ ବ୍ୟାପିଥିଲା ଯେ, ଏହା ଉଲ୍କା ପିଣ୍ଡ ବର୍ଷା କିମ୍ବା କୌଣସି ଉପଗ୍ରହ। କିନ୍ତୁ ଆମେରିକୀୟ ବୈଜ୍ଞାନିକ ଜୋନାଥନ ମ୍ୟାକ୍ଡୋୱାଲ୍ ଟ୍ବିଟ୍ କରି କହିଛନ୍ତି, ଏହା ଚୀନର ରକେଟ୍ ଚେଙ୍ଗ୍ ଝେନ-୩ବି ଥିଲା। ଏହାକୁ ଗତ ବର୍ଷ ଫେବୃୟାରୀ ମାସରେ ଛଡ଼ା ଯାଇଥିଲା। ପୃଥିବୀ ଆଡ଼କୁ ଖସୁଥିବା ସମୟରେ ଏହାର କିଛି ଅଂଶ ବାୟୁମଣ୍ଡଳ ସଂସ୍ବର୍ଶରେ ଆସିବା ଫଳରେ ଜଳି ଉଠିଥିଲା। ସେ କହିଛନ୍ତି ଯେ, ମୋ ହିସାବରେ ଏହି ଉଜ୍ଜ୍ଵଳ ରେଖା ସେଇଥିରୁ ସୃଷ୍ଟି ହୋଇଛି।
