କାଲିମେଳା : ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ଗୁମୁକା ପଂଚାୟତର ଏମଭି-୬୫ ଓ ଏମପିଭି-୧୧ ଗ୍ରାମରେ ଗୋଟିଏ ପାଗଳା କୁକୁର ଆତଙ୍କ ଦେଖାଦେଇଛି । ଗୋଟିଏ ଗାଈକୁ ଉକ୍ତ ପାଗଳ କୁକୁର କାମୁଡିବା ପରେ ଗାଈଟି ଏବେ ପାଗଳ ହେବା ସହ ଅସୁସ୍ଥ ହୋଇପଡିଛି । ସେହି ଅସୁସ୍ଥ ଗାଇର କ୍ଷୀରରେ ପ୍ରସାଦ ଖାଇ ଦୁଇ ଗ୍ରାମର ଲୋକେ ଏବେ ଭୟବୀତ ହୋଇପଡିଛନ୍ତି । ଶନିବାର ଏମଭି-୬୫ ଓ ଏମପିଭି-୧୧ ଗ୍ରାମର ମୋଟ ୫ ଶହରୁ ଉର୍ଦ୍ଧ ଲୋକ କାଲିମେଳା ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରରେ ପହଞ୍ଚି କୁକୁର କାମୁଡା ଇଂଜେକ୍ସନ ନେଇଥିବା ସୂଚନା ମିଳିଛି ।
