ହରଭଙ୍ଗା : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକର ପିଇଓ ସଙ୍ଘ ପକ୍ଷରୁ ବୌଦ୍ଧ ଜିଲ୍ଲାପାଳଙ୍କ ଉଦେଶ୍ୟରେ ହରଭଙ୍ଗା ବିଡ଼ିଓଙ୍କ ଜରିଆରେ ୨ ଦଫା ସମ୍ବଳିତ ଏକ ଦାବିପତ୍ର ପ୍ରଦାନ କରାଯାଇଥିବା ଜଣାପଡିଛି। ନିଖିଳ ଉତ୍କଳ ପଞ୍ଚାୟତ ନିର୍ବାହୀ ଅଧିକାରୀ ସଙ୍ଘର ଆହ୍ୱାନ କ୍ରମେ ଗୁରୁବାର ଦିନ ହରଭଙ୍ଗା ବ୍ଲକ ପିଇଓ ସଙ୍ଘ ସଭାପତି ବସନ୍ତ କର୍ଣ୍ଣଙ୍କ ନେତୃତ୍ୱରେ ଦୁଇ ଦଫା ସମ୍ବଳିତ ଦାବିପତ୍ର ହରଭଙ୍ଗା ବିଡ଼ିଓ ସ୍ୱପ୍ନିତା ନାୟକଙ୍କ ଜରିଆରେ ବୌଦ୍ଧ ଜିଲ୍ଲାପାଳଙ୍କୁ ପ୍ରଦାନ କରାଯାଇଛି।
ପିଇଓ ସଙ୍ଘ ପକ୍ଷରୁ ଦିଆଯାଇଥିବା ଦାବୀ ସରକାର ନ ଶୁଣିଲେ ଆସନ୍ତା ୭ ତାରିଖରୁ ୧୭ ତାରିଖ ପର୍ଯ୍ୟନ୍ତ କଳାବ୍ୟାଚ ପରିଧାନ କରିବେ ବୋଲି ଚେତାବନୀ ଦେବାସହ ୧୮ ତାରିଖଠୁ ସାମୁହିକ ଛୁଟିରେ ରହିବେ ବୋଲି ସଙ୍ଘ ନିଷ୍ପତ୍ତି ନେଇଥିବା ନେଇଥିବା କୁହାଯାଇଛି। ଏହି ଦାବୀପତ୍ର ପ୍ରଦାନ ସମୟରେ ହରଭଙ୍ଗା ବ୍ଲକ ପିଇଓ ସଙ୍ଘ ସମ୍ପାଦକ ଜଗଦୀଶ ମଲ୍ଲିକ, ଶ୍ରୀକାନ୍ତ ପ୍ରଧାନ, ସନ୍ତୋଷ ରଣା, ଶେଷଦେବ ଯାନୀ, ଚିତ୍ତ ରଞ୍ଜନ ବଘାର, ଦିଲୀପ ମଲ୍ଲିକ, ନମିତା ସାହୁ, ନବଘନ ପ୍ରଧାନ ପ୍ରମୁଖ ଉପସ୍ଥିତ ଥିଲେ।
Comments are closed.