କଳାପଥର : ଆଜି ଉପଖଣ୍ଡ ପ୍ରଶାସନ ତରଫରୁ ସମ୍ଭାବ୍ୟ ବାତ୍ୟା ପରିସ୍ଥିତିକୁ ଦୁଷ୍ଟିରେ ରଖି ଉପଜିଲାପାଳ ଦେବୀ ପ୍ରସାଦ ମହାନ୍ତିଙ୍କ ଅଧ୍ୟକ୍ଷତାରେ ଉପଜିଲାପାଳଙ୍କ ସମ୍ବିଳନୀ କକ୍ଷରେ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ବିଡ଼ିଓ ଅଂଶୁମାନ ଦାସ, ତହସିଲଦାର ବାଙ୍କୀ ଅଶେଷ କୁମାର ନାୟକ, ତହସିଲଦାର ଡମପଡା ସୁଚିସ୍ମିତା ଦାସ, ଅତିରିକ୍ତ ତହସିଲଦାର ସୋନମ୍ ପ୍ରିୟଦର୍ଶିନୀ ସହକାରୀ ଜିଲାପାଳ ଧନଜୟ କିଶାନ ଓ ଅନ୍ୟାନ୍ୟ ବିଭାଗୀୟ ଅଧିକାରୀ ଯୋଗଦେଇଥିଲେ। ବୈଠକରେ ଖାଦ୍ୟ ପଦାର୍ଥ ମହଜୁଦ ରଖିବା, କଳାବଜାରୀ ରୋକିବା ଆବଶ୍ୟକ ସ୍ଥଳେ ତଳିଆ ଅଞ୍ଚଳ ଓ ଗର୍ଭବତୀ ପ୍ରସୂତୀମାନଙ୍କୁ ସ୍ଥାନାନ୍ତର କରିବା ସହିତ ରାସ୍ତା ଅବରୋଧ ହଟାଇବା ପାଇଁ ଉପଜିଲାପାଳ ଉପଖଣ୍ଡ ଆରକ୍ଷୀ ଅଧିକାରୀ, ଖାଦ୍ୟ ଯୋଗାଣ ଅଧିକାରୀ ନିର୍ବାହୀ ଯନ୍ତ୍ରୀ ରାସ୍ତା କୋଠାବାଡ଼ିଙ୍କୁ ନିର୍ଦେଶ ଦେଇଥିଲେ । ମେଡିକାଲ ଅଫିସର ଅଙ୍ଗନବାଡ଼ି କର୍ମୀମାନଙ୍କ ନିକଟରେ ମେଡ଼ିସିନ ମହଜୁଦ ରଖିବା,ବିଡ଼ିଓ ତହସିଲଦାରମାନେ ସଜାଗ ରହିବା ଦରକାର ବୋଲି ମତବ୍ୟକ୍ତ କରିବା ସହିତ ବିଦ୍ୟୁତ୍ ବିଭାଗକୁ ବାତ୍ୟା ପରବର୍ତ୍ତୀ ମରାମତି ଯୁଦ୍ଧକାଳୀନ ଭିତ୍ତିରେ କରିବା ପାଇଁ ନିର୍ଦ୍ଦେଶ ଦେଇଥିଲେ। ନଳକୂପ ବିଶୋଧନ ଓ ପାନୀୟ ଜଳ ଯୋଗାଣ ବିଷୟରେ ଗ୍ରାମ୍ୟ ପାନୀୟ ଜଳଯୋଗାଣ ଅଧିକାରୀମାନଙ୍କ ସହିତ ଆଲୋଚନା କରିଥିଲେ। ସିଡ଼ିପିଓମାନେ ସଜାଗ ରହିବା ପାଇଁ ନିର୍ଦ୍ଦେଶ ପ୍ରଦାନ କରିଥିଲେ।
Popular Categories
Previous article
Next article