ନୂଆଦିଲ୍ଲୀ: ପ୍ରାଣଘାତୀ କର୍କଟ ରୋଗ ଉପଶମକାରୀ ଔଷଧ ସମେତ ୫୦ଟି ଜୀବନରକ୍ଷାକାରୀ ଔଷଧ ଶସ୍ତା ହେବ। ପାଇକାରୀ ଓ ଖୁଚୁରା ବିକ୍ରେତାଙ୍କ ଲାଭାଂଶ ହ୍ରାସ ଜରିଆରେ ଏହି ସବୁ ଔଷଧର ଦର ହ୍ରାସ କରିବା ପାଇଁ କେନ୍ଦ୍ର ସରକାର ଚିନ୍ତା କରୁଛନ୍ତି। ଡ୍ରଗ୍ସ ପ୍ରାଇସ୍ କଣ୍ଟ୍ରୋଲ୍ ଅର୍ଡର ଧାରା ୧୯ ଅନୁଯାୟୀ କେନ୍ଦ୍ର ସରକାର ଯେକୌଣସି ଔଷଧରେ ବିକ୍ରେତାଙ୍କ ଲାଭାଂଶ ହ୍ରାସ କରିପାରିବେ। ଏବେ କେନ୍ଦ୍ର ସରକାର ତାଲିକାଭୁକ୍ତ ଓ ନିୟନ୍ତ୍ରିତ ଔଷଧର ଲାଭାଂଶ ପାଇକାରୀ ଓ ଖୁଚୁରା ବିକ୍ରେତାଙ୍କ ପାଇଁ ଯଥାକ୍ରମେ ୮% ଓ ୧୬% ଧାର୍ଯ୍ୟ କରିଛନ୍ତି। ଅଣତାଲିକାଭୁକ୍ତ ଔଷଧ ଉପରେ ଉତ୍ପାଦନକାରୀ ଓ ବିକ୍ରେତାଙ୍କ ମଧ୍ୟରେ ବୁ୍ଝାମଣା ମାଧ୍ୟମରେ ମୂଲ୍ୟ ନିର୍ଦ୍ଧାରଣ ହେଉଛି।
ଜୀବନରକ୍ଷାକାରୀ ଔଷଧକୁ ଯଥାସମ୍ଭବ ହ୍ରାସ କରିବା ପାଇଁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସ୍ୱାସ୍ଥ୍ୟ ମନ୍ତ୍ରାଳୟକୁ ଦିଆଯାଇଥିବା ପରାମର୍ଶ ଆଧାରରେ ଉପରୋକ୍ତ ପଦକ୍ଷେପ ନିଆଯାଇଛି। ଏକ ଉଚ୍ଚକ୍ଷମତା ସମ୍ପନ୍ନ କମିଟି ଶସ୍ତା ହେବାକୁ ଥିବା ଔଷଧର ତାଲିକା ପ୍ରସ୍ତୁତ କରିଥିଲେ।
ଶସ୍ତା ହେବ ଆଉ ୫୦ ଜୀବନରକ୍ଷାକାରୀ ଔଷଧ
Popular Categories
Previous article
Next article