ରାୱଲପିଣ୍ଡି : ରାୱଲପିଣ୍ଡିର ସେନା ହସ୍ପିଟାଲରେ ସୋମବାର ଘଟିଥିବା ବିସ୍ଫୋରଣରେ ଆତଙ୍କବାଦୀ ସଂଗଠନ ଜୈଶ-ଇ- ମହମ୍ମଦ (ଜେଇଏମ) ମୁଖ୍ୟ ମସୁଦ ଆଝାର ଗୁରୁତର ହୋଇଛି। ମସୁଦ ଆଝାର ଏହି ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ। ବିସ୍ଫୋରଣରେ ଆଝାରଙ୍କ ସମେତ ୧୦ ଜଣ ଗୁରୁତର ହୋଇଥିବା ମଙ୍ଗଳବାର ପାକିସ୍ତାନ ଗଣମାଧ୍ୟମ ରିପୋର୍ଟରେ ପ୍ରକାଶ ପାଇଛି। ପାକିସ୍ତାନ ସରକାର ଏବଂ ସେନା ଏନେଇ କୌଣସି ବୟାନ ଜାରି କରିନାହାନ୍ତି।
ପାକିସ୍ତାନର ସାମାଜିକ କାର୍ଯ୍ୟକର୍ତ୍ତା ଅହସାନ ଉହ୍ଲା ମିଖାଇନ ନିଜ ଟ୍ୱିଟର ଆକାଉଣ୍ଟରେ ଘଟଣାର ଭିଡିଓ ସେୟାର କରିଛନ୍ତି। ଏଥିରେ ଅହସାନ ଲେଖିଛନ୍ତି ଯେ ପାକିସ୍ତାନ ସେନାର ରାୱଲପିଣ୍ଡିସ୍ଥିତ ସେନା ହସ୍ପିଟାଲରେ ବଡ଼ ବିସ୍ଫୋରଣ ଘଟିଛି। ଏଥିରେ ଜେଇଏମ ମୁଖ୍ୟ ମସୁଦ ଆଝାର ସମେତ ୧୦ ଜଣ ଗୁରୁତର ହୋଇଛନ୍ତି। ସରକାର ଏହି ଖବର ପ୍ରକାଶ ନକରିବା ପାଇଁ ଗଣମାଧ୍ୟମଙ୍କୁ ଶକ୍ତ ନିର୍ଦେଶ ଦେଇଛନ୍ତି। କେତେକ ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ସେନା ହସ୍ପିଟାଲ ଚାରିପଟେ ଯବାନମାନେ କଡ଼ା ପ୍ରହରା ଦେଉନ୍ତି। ଅଜଣା ଲୋକଙ୍କୁ ହସ୍ପିଟାଲକୁ ଯିବାକୁ ଦିଆଯାଉନାହିଁ। ଗଣମାଧ୍ୟମକୁ ଘଟଣାସ୍ଥଳରୁ ଦୂରରେ ରଖାଯାଉଛି।
ପ୍ରକାଶ ଯେ ରାୱଲପିଣ୍ଡିରେ ପାକିସ୍ତାନ ସେନାର ମୁଖ୍ୟାଳୟ ଅଛି ଓ ସେଠାରେ ସବୁଠୁ ବଡ଼ ସେନା ହସ୍ପିଟାଲ ରହିଛି। କିଡ଼ନୀ ଜନିତ ରୋଗରେ ଆକ୍ରାନ୍ତ ହୋଇ ମସୁଦ ଆଝାର ଏହି ହସ୍ପିଟାଲରେ ଚିକିତ୍ସିତ ହେଉଛି।
ରାୱଲପିଣ୍ଡି ସେନା ହସ୍ପିଟାଲରେ ବିସ୍ଫୋରଣ; ମସୁଦ ଆଝାର ଗୁରୁତର
Popular Categories
Previous article
Next article