ନୂଆଦିଲ୍ଲୀ: ମନ୍ କୀ ବାତ୍ କାର୍ୟ୍ୟକ୍ରମରେ ଓମିକ୍ରନକୁ ନେଇ ସଚେତନ କରାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ମୋଦୀ କହିଛନ୍ତି, କରୋନାର ନୂତନ ଭାରିଆଣ୍ଟ ଓମିକ୍ରନ ଠାରୁ ଆମକୁ ସତର୍କ ରହିବାକୁ ହେବ । ଓମିକ୍ରନ୍ ଉପରେ ନିରନ୍ତର ଅନୁସନ୍ଧାନ ଚାଲିଛି । କେବଳ ଆମର ସାମୂହିକ ଶକ୍ତି କରୋନାକୁ ପରାସ୍ତ କରିପାରିବ । ବିଶ୍ୱ ମହାମାରୀକୁ ପରାସ୍ତ କରିବାକୁ ହେଲେ ଆମକୁ ଅନୁଶାସନ ଆବଶ୍ୟକ।
ଏଥିସହିତ ତାମିଲନାଡୁରେ ହେଲିକପ୍ଟର ଦୁର୍ଘଟଣାରେ ସହିଦ ହୋଇଥିବା ଗ୍ରୁପ୍ କ୍ୟାପଟେନ ବରୁଣ ସିଂଙ୍କ କଥା ଆଲୋଚନ କରିଥିଲେ ପ୍ରଧାନମନ୍ତ୍ରୀ । ବରୁଣଙ୍କୁ ମହାଭାରତର କାହାଣୀ ସହ ତୁଳନା କରିଥିଲେ । ତାମିଲନାଡୁରେ ଦୁର୍ଘଟଣାଗ୍ରସ୍ତ ହୋଇଥିବା ହେଲିକପ୍ଟରକୁ ବରୁଣ ସିଂ ଉଡାଉଥିଲେ। ସେହି ଦୁର୍ଘଟଣାରେ ଆମେ ଦେଶର ପ୍ରଥମ ସିଡିଏସ୍ ଜେନେରାଲ୍ ବିପିନ ରାୱତ ଏବଂ ତାଙ୍କ ପତ୍ନୀଙ୍କ ସମେତ ଅନେକ ହିରୋଙ୍କୁ ହରାଇଥିଲୁ ବୋଲି ମୋଦୀ କହିଛନ୍ତି ।
