କାଲିମେଳା: ମାଲକାନଗିରି ଜିଲା କାଲିମେଳା ବ୍ଲକ ଅନ୍ତର୍ଗତ କଇମେଟଲା ପଞ୍ଚାୟତର ଏମଭି-୬୭ ଗ୍ରାମରେ ଏକ ଲଜ୍ଜାଜନକ ଘଟଣା ଘଟିଛି। ଜଣେ ବାପା ତାର ୧୩ ବର୍ଷର ଝିଅ ସହ ଦୁଷ୍କର୍ମ କରିଥିବା କାଲିମେଳା ଥାନାରେ ଅଭିଯୋଗ ହୋଇଛି। ସୂଚନା ଅନୁସାରେ, ଏମଭି-୬୭ ଗ୍ରାମର ଗୋଲକ ବିଶ୍ୱାସ ନିଜ ଝିଅ ସହ ଦୁଷ୍କର୍ମ କରିଥିବା ନେଇ ନିଜେ ପୀଡିତା କାଲିମେଳା ଥାନାରେ ଅଭିଯୋଗ କରିଛନ୍ତି। ପିଡୀତାଙ୍କୁ ନିଜ ବାପା ଗତ ସୋମବାର ଦିନ ମାମୁଁ ଘରୁ (ଏମପିଭି-୨୩) ଗ୍ରାମରୁ ମୋଟରସାଇକେଲରେ ନିଜ ଗ୍ରାମ ଅଭିମ୍ମୁୁଖେ ଆଣିଥିଲେ କିନ୍ତୁ ସେ ମୁଖ୍ୟ ରାସ୍ତା ବଦଳରେ ଅନ୍ୟ ଏକ ରାସ୍ତାରେ ଆଣି ଭେଙ୍କଟାପଲମ ନିକଟ ପାହାଡ ନିକଟରେ ଦୁଷ୍କର୍ମ କରିଥିବା ପିଡୀତା ଅଭିଯୋଗ କରିଛନ୍ତି। ଘଟଣା ସମ୍ପର୍କରେ କାହାକୁ କିଛି ନକହିବା ପାଇଁ ବାପା ଝିଅକୁ ଧମକ ଦେଇଥିବା ପିଡୀତା ପ୍ରକାଶ କରିଛନ୍ତି।
ପରେ ଝିଅ ନିଜ ମାକୁ ଘଟଣା ସମ୍ପର୍କରେ ଜଣାଇବା ପରେ ଗ୍ରାମବାସୀଙ୍କ ସହାୟତାରେ ବାପା ନାମରେ ଏତଲା ଦେଇଥିଲେ ଓ ଚାଇଲ୍ଡ କାଇନକୁ ଖବର ଦେଇଥିଲେ। କାଲିମେଳା ପୋଲିସ ଥାନା କେଶନଂ ୧୪୨/୧୯ରେ ଏକ ମାମଲା ରୁଜୁ କରି ଦଫା ୨୯୪, ୪୨୭, ୩୭୬(୩), ୨୭୬(୨) ଏବଂ ୫୦୬ ଆଇପିସିରେ ମାମଲା ରୁଜୁ କରିଛି। ତେବେ ଅଭିଯୁକ୍ତ ବାପା ଫେରାର ଥିବାରୁ ବର୍ତ୍ତମାନ ସୁଦ୍ଧା ଗିରଫ ହୋଇପାରିନାହିଁ। ପିଡୀତାଙ୍କୁ କାଲି ଡାକ୍ତରୀ ମାଇନା କରାଯିବ ବୋଲି ଜଣାପଡିଛି।
