ଭୁବନେଶ୍ଵର: ରାଜଧାନୀରେ ବୁଲିଲା ଖଣ୍ଡା। ଦୋକାନୀଙ୍କୁ ଟଙ୍କା ମାଗିଲେ। ନ ଦେବାରୁ ଦୋକାନରେ ପଶି ବ୍ୟବସାୟୀଙ୍କୁ ହାଣିଲେ। ଏଭଳି ଏକ ଘଟଣା ଘଟିଛି ଟଙ୍କପାଣି ରୋଡ଼ ଚିଲି ପୋଖରୀ ତାରିଣୀ ହୋଟେଲ ନିକଟରେ।
ସୂଚନା ଅନୁସାରେ, ଶନିବାର ଦୁଇ ଜଣ ଯୁବକ ମାରଣାସ୍ତ୍ର ଧରି ତାରିଣୀ ହୋଟେଲ ନିକଟ ଏକ ଦୋକାନକୁ ବଟି ଆଦାୟ କରିବାକୁ ଆସିଥିଲେ। ସେମାନେ ଦୋକାନୀଙ୍କୁ ବଟି ମାଗିଥିଲେ। ହେଲେ ଦୋକାନୀ ଜଣକ ଟଙ୍କା ଦେବାକୁ ମନା କରିବାରୁ ବଚସା ହୋଇଥିଲା। ଏହା ପରେ ଯୁବକ ଦ୍ଵୟ ସାଥୀରେ ଆଣିଥିବା ଖଣ୍ଡାରେ ଦୋକାନୀଙ୍କୁ ଆକ୍ରମଣ କରିଥିଲେ। ଉକତ ଦୋକାନୀଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ବଡ଼ଗଡ଼ ଥାନା ପୁଲିସ ପହଞ୍ଚି ଘଟଣାର ତଦନ୍ତ କରିବା ସହିତ ଏକ ଖଣ୍ଡା ଜବତ କରିଛି।
