ନୂଆଦିଲ୍ଲୀ: ରାଜ୍ୟର ବରିଷ୍ଠ ପୁଲିସ ଅଧିକାରୀଙ୍କ ବଦଳିକୁ ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଆଣିଥିବା ଅଭିଯୋଗକୁ ନିର୍ବାଚନ ଆୟୋଗ ଦୁର୍ଭାଗ୍ୟଜନକ ବୋଲି କହିଛନ୍ତି। ନିର୍ବାଚନ ଆୟୋଗ କଲକାତା ପୁଲିସ କମିସନର ଅଞ୍ଜୁ ଶର୍ମାଙ୍କ ସମେତ ୪ ବରିଷ୍ଠ ଅଧିକାରୀଙ୍କୁ ବଦଳି କରିବା ଲାଗି ନିର୍ଦେଶ ଦେଇଥିଲେ। ଇସିଙ୍କ ଏହି ନିର୍ଦେଶକୁ ମମତା ପକ୍ଷପାତିତା ବୋଲି ଦର୍ଶାଇଥିଲେ। ସେ କହିଥିଲେ ଯେ କେନ୍ଦ୍ର ସରକାରଙ୍କ ପ୍ରରୋଚନାରେ ଇସି ଏହି ବଦଳି ନିର୍ଦେଶ ଦେଇଛନ୍ତି। ତେବେ ମମତାଙ୍କ ଏହି ଅଭିଯୋଗକୁ ରବିବାର ଦୁର୍ଭାଗ୍ୟଜନକ ବୋଲି ଦର୍ଶାଇଛନ୍ତି। ଇସିଙ୍କ କାର୍ୟ୍ୟର ସ୍ବଚ୍ଛତା ଉପରେ ଏପରି ପ୍ରଶ୍ନ ଉଠାଇବା ମମତାଙ୍କ ପକ୍ଷେ ଠିକ୍ ନୁହେଁ। ଜନ ପ୍ରତିନିଧି ଆଇନର ଧାରା ୨୮ ଅନୁଯାୟୀ ଏପରି ବଦଳି ନିର୍ଦ୍ଦେଶ ଦେବା ନିର୍ବାଚନ ଆୟୋଗଙ୍କ ଅଧିକାର ପରିସର। ନିର୍ବାଚନ କାର୍ଯ୍ୟରେ ନିଯୁକ୍ତ ପ୍ରତ୍ୟେକ ପୁଲିସ ଅଧିକାରୀ ନିର୍ବାଚନ ଆୟୋଗଙ୍କ ଅଧୀନ। ତେଣୁ ସେ ନିର୍ବାଚନ ଆୟୋଗଙ୍କ ନୀତି ଓ ଶୃଙ୍ଖଳା ମଧ୍ୟରେ ରହିବାକୁ ବାଧ୍ୟ।
Popular Categories
Previous article
Next article