ମାଲକାନଗିରି: ଖସିଛି ପାଣି କିନ୍ତୁ ସମ୍ଭବ ହୋଇପାରିନି ଯାତାୟାତ। ମାଲକାନଗିରି ଜିଲ୍ଲାରେ ବର୍ଷା ବିତ୍ପାତ ପରିସ୍ଥିତିରେ କିଛିଟା ସୁଧାର ଆସିଛି। ପୋଟେରୁ ପୋଲରୁ ପାଣି ଖସିଛି। ଶନିବାର ଯେମିତି ପାଣି ଚାଲୁଥିଲା ଆଜି(ରବିବାର) ସେଭଳି ସ୍ଥିତି ନାହିଁ । ପାଣି କମ୍ ହୋଇଛି। ହେଲେ ପୋଟେରୁ ପୋଲର କିଛିଟା ଅଂଶ ନଷ୍ଟ ହୋଇଛି। ପ୍ରବଳ ଜଳପ୍ରବାହ ଯୋଗୁଁ ପୋଲର ସ୍ଲାବର କିଛି ଅଂଶ ଧୋଇ ନଷ୍ଟ ହୋଇଛି। ଫଳରେ ଏହି ରୁଟ୍ ଦେଇ ଯାତାୟାତ ଏବେ ବନ୍ଦ ରହିଛି। ସେହିପରି ପୋଟେରୁ, କନ୍ୟାଶ୍ରମ, ଏମଭି -୯୦ ଏବଂ ଏମଭି-୯୬ ପୋଲ ଉପରେ ମଧ୍ୟ ପାଣି କମିଛି। ତା ସହ ବର୍ଷା ବି ରାତିରେ ହୋଇନଥିବାରୁ ଏବେ ଚିନ୍ତା କମିଛି।
Comments are closed.