କୁଆଁପାଳ: କଟକ ଜିଲ୍ଲା ମାହାଙ୍ଗା ଥାନା ଅଧିନସ୍ଥ ଅଡମମହେଶପୁର ଗାଁରୁ ଚୋରି କରୁଥିବା ବେଳେ କିଛି ଦୁର୍ବୃତ୍ତଙ୍କୁ ଗ୍ରାମବାସୀ ମାନେ କାବୁ କରିଛନ୍ତି । ଗାଁର ନିର୍ମାଣରତ ମେଘା ପାଣି ଟାଙ୍କି ନିକଟରୁ ଗତକାଲି ବିଳମ୍ବିତ ରାତିରେ ଏକ ଚୋର ଦଳକୁ ଗ୍ରାମବାସୀ ମାନେ ଧରିବାରେ ସକ୍ଷମ ହୋଇଛନ୍ତି । ଚୋର ମାନେ ଏକ ଟାଟାଏସିରେ ଲୁହା ସାମଗ୍ରୀ ଚୋରିକରି ନେଉଥିବାବେଳେ ଗ୍ରାମବାସୀ ମାନେ ତାଙ୍କୁ ଧରିଛନ୍ତି । ଏନେଇ ଖବର ପାଇବା ପରେ ମାହାଙ୍ଗା ପୁଲିସ ଆଜି ସକାଳୁ ଘଟଣାସ୍ଥଳରେ ପହଞ୍ଚି ସେମାନଙ୍କୁ ଗିରଫ କରିଥିବା ଜଣାପଡ଼ିଛି । ସେମାନଙ୍କ ମଧ୍ୟରେ ଉତ୍ତରପ୍ରଦେଶ ଅଞ୍ଚଳର ପାଞ୍ଚ ଜଣ ଯୁବକ ରହିଥିବା ବେଳେ ଜଗତପୁର ଅଞ୍ଚଳର ଜଣେ ଗାଡିଚାଳକ ଓ ଚୋରିରେ ସମ୍ପୃକ୍ତ ଥିବା ଜଣେ ସିକ୍ୟୁରିଟି ଗାର୍ଡ ତଥା ବାସୁଦେବପୁର ପଞ୍ଚାୟତ ବାଣପୁର ଗ୍ରାମର ଅରକ୍ଷିତ ଜେନାକୁ ପୁଲିସ ଗିରଫ କରି ଥାନାକୁ ନେବା ସହ ଏନେଇ ଅଧିକ ପଚରାଉଚରା କରୁଛି ।
Comments are closed.