ସମଗ୍ର ଦେଶରେ ଭୋଳାଶଙ୍କରଙ୍କ ବହୁ ପ୍ରାଚୀନ ଏବଂ ପୌରାଣିକ ମନ୍ଦିର ଅଛି । ଦେଶ ତଥା ବିଦେଶରୁ ଲକ୍ଷ ଲକ୍ଷ ଭକ୍ତ ଏହି ମନ୍ଦିରକୁ ପୂଜାର୍ଚ୍ଚନା କରିବାକୁ ଆସନ୍ତି । ଏହା ସହିତ ଭଗବାନ ଶିବଙ୍କ ଆଶୀର୍ବାଦ ପାଇବା ପାଇଁ ଭକ୍ତମାନଙ୍କର ଲମ୍ବା ଧାଡି ଲାଗିଥାଏ। ମାତ୍ର ମଧ୍ୟପ୍ରଦେଶର ରାଇସେନରେ ମହାଦେବଙ୍କର ଏପରି ଏକ ମନ୍ଦିର ଅଛି ଯାହା କେବଳ ମହାଶିବରାତ୍ରୀ ଦିନ ଖୋଲା ଯାଇଥାଏ। ପ୍ରାଚୀନ ସୋମେଶ୍ୱର ମହାଦେବ ମନ୍ଦିର ଭାବରେ ଏହି ମନ୍ଦିର ଜଣାଶୁଣା । ମନ୍ଦିରଟି ଏକ ଉଚ୍ଚ ପାହାଡ ଉପରେ ଅବସ୍ଥିତ । ଭଗବାନ ସୋମେଶ୍ୱର ମହାଦେବଙ୍କ ଦର୍ଶନ ଏଠାରେ ବହୁତ ଦୁର୍ଲ୍ଲଭ ବୋଲି ବିବେଚନା କରାଯାଏ । ଜାଣନ୍ତୁ ଏହି ମନ୍ଦିର ବିଷୟରେ….
ସୋମେଶ୍ୱର ମହାଦେବ ମନ୍ଦିରର କବାଟ କେବଳ ବର୍ଷରେ ମହାଶିବରାତ୍ରୀ ଦିନ ଖୋଲାଯାଏ। ଯାହା ସମୟ ସକାଳ ୬ ଟାରୁ ସନ୍ଧ୍ୟା ୬ ଟା ପର୍ୟ୍ୟନ୍ତ । ଅର୍ଥାତ୍ ମନ୍ଦିରର କବାଟ କେବଳ ୧୨ ଘଣ୍ଟା ପାଇଁ ଖୋଲା ହୋଇଥାଏ। ଯେତେବେଳେ ମନ୍ଦିର ଖୋଲାଯାଏ, ପ୍ରଶାସନିକ ଏବଂ ପ୍ରତ୍ନତତ୍ତ୍ୱ ବିଭାଗ ଉପସ୍ଥିତ ରହିଥାଆନ୍ତି ଏବଂ ସୂର୍ୟ୍ୟୋଦୟ ପରେ ମନ୍ଦିର ପୁଣି ବନ୍ଦ ହୋଇଯାଏ ।
ବିଶ୍ୱାସ କରାଯାଏ ଯେ ଯେତେବେଳେ ସୂର୍ୟ୍ୟ ଭଗବାନଙ୍କ କିରଣ ଶିବଲିଙ୍ଗ ଉପରେ ପଡ଼େ, ସେତେବେଳେ ଏହା ସୁନା ରଙ୍ଗ ଭଳି ଆଲୋକିତ ହୁଏ । ଏହା ବ୍ୟତୀତ ଶ୍ରାବଣ ମାସରେ ଭକ୍ତଙ୍କ ଦର୍ଶନ ପାଇଁ ପୃଥକ ବ୍ୟବସ୍ଥା କରାଯାଇଥାଏ । ଭକ୍ତମାନେ ଏକ ପାଇପ୍ ମାଧ୍ୟମରେ ଶିବଲିଙ୍ଗ ଉପରେ ଜଳାଭିଷେକ କରିଥାଆନ୍ତି। ଏହାସହ ଦୂରରୁ ହିଁ ପ୍ରଭୁଙ୍କ ଦର୍ଶନ କରିଥାଆନ୍ତି।
କୁହାଯାଏ, ସ୍ୱାଧୀନତା ପରେ ରାଇସେନର ଏହି ମନ୍ଦିର ଏବଂ ମସଜିଦ ମଧ୍ୟରେ ବିବାଦ ଉପୁଜିଥିଲା । ଯେତେବେଳେ ପ୍ରତ୍ନତତ୍ତ୍ୱ ବିଭାଗ ମନ୍ଦିରରେ ତାଲା ପକାଇଥିଲା। ୧୯୭୪ ପର୍ୟ୍ୟନ୍ତ କେହି ମନ୍ଦିରରେ ପ୍ରବେଶ କରିପାରିନଥିଲେ। ୧୯୭୪ ମସିହାରେ, ହିନ୍ଦୁ ସମାଜ ଏବଂ ସଂଗଠନଗୁଡ଼ିକ ମନ୍ଦିରର ତାଲା ଖୋଲିବା ପାଇଁ ଏକ ଆନ୍ଦୋଳନ ଆରମ୍ଭ କରିଥିଲେ । ସେତେବେଳେ କଂଗ୍ରେସ ସରକାରଙ୍କ ମୁଖ୍ୟମନ୍ତ୍ରୀ ପ୍ରକାଶଚନ୍ଦ୍ର ସେଠୀ ନିଜେ ପାହାଡ ଉପରେ ନିର୍ମିତ ଏହି ମନ୍ଦିରର ତାଲା ଖୋଲିଥିଲେ ଏବଂ ଏଠାରେ ମଧ୍ୟ ମହାଶିବରାତ୍ରୀ ଦିନ ଏଠାରେ ଏକ ବଡ଼ ମେଳାର ଆୟୋଜନ କରିଥିଲେ। ସେବେଠାରୁ କେବଳ ମହାଶିବରାତ୍ରୀରେ ମନ୍ଦିର ଖୋଲିବାର ବ୍ୟବସ୍ଥା ଲାଗୁ ହୋଇଛି।
Comments are closed.