ଭୋପାଳ : ମଧ୍ୟପ୍ରଦେଶର ଏକ ସ୍ୱତନ୍ତ୍ର ଅଦାଲତ ଗୁରୁବାର ୫ ସିମି ଆତଙ୍କବାଦୀଙ୍କୁ ଆଜୀବନ ଜେଲ ଦଣ୍ଡାଦେଶ ପ୍ରଦାନ କରିଛନ୍ତି। ପୁଲିସ୍ ଉପରେ ମରଣାନ୍ତକ ଆକ୍ରମଣ ଏବଂ ଆତଙ୍କବାଦୀ କାର୍ଯ୍ୟକଳାପ ପାଇଁ ସେମାନଙ୍କ ବିରୋଧରେ ମାମଲା ଚାଲିଥିଲା। କୋର୍ଟ ୪ଟି ପୃଥକ ପୃଥକ ଧାରାରେ ୫ ଆତଙ୍କବାଦୀଙ୍କୁ ଆଜୀବନ ଜେଲ ଏବଂ ୪ଟି ମାମଲାରେ ୨ ହଜାର ଟଙ୍କା ଲେଖାଏଁ ଜରିମାନା କରି ରାୟ ଶୁଣାଇଛନ୍ତି।
ସୂଚନା ଅନୁଯାୟୀ ୨୦୧୩ ଡିସେମ୍ବର ୨୪ ସକାଳେ ସୋନ୍ଦୱାରେ ଏଟିଏସ୍ ପୁଲିସ୍ ସହ ସିମି ଆତଙ୍କବାଦୀଙ୍କ ସଂଘର୍ଷ ହୋଇଥିଲା। ଏଥିରେ ପୁଲିସ୍ ସିମି ମୁଖ୍ୟ ଅବୁ ଫୈଜଲ ଏବଂ ଇର୍ଫାନ ନାଗୋରୀକୁ ଗିରଫ କରିବାରେ ସଫଳ ହୋଇଥିଲା। ପଚରାଉଚୁରା ପରେ ଜଣାପଡିଥିଲା ଯେ ସାଦିକ ଏବଂ ଉମେର ନାମକ ଆତଙ୍କାବାଦୀ ଉଜୈନଠାରେ ଆତଙ୍କବାଦୀ ସଂଗଠନର ଅନ୍ୟ ସହଯୋଗୀଙ୍କୁ ଗୋଳା, ବାରୁଦ ଓ ବନ୍ଧୁକ ଯୋଗାଉଛନ୍ତି। ଏଥିରେ ତାଙ୍କୁ ଆତଙ୍କବାଦୀ ଜାଭେଦ ନାଗୌରୀ, ମୋ, ଅଦିଲ, ଅଜୁ ଅବଦୁଲ ୱାହିଦ. ସାଜିଦ୍ ସହଯୋଗ କରୁଥିଲେ। ପୁଲିସ୍ ସୂଚନା ଆଧାରରେ ଆଉ ୩ ଜଣ ସିମି ଆତଙ୍କବାଦୀଙ୍କୁ ଗିରଫ କରିଥିଲା। ପ୍ରକାଶଯୋଗ୍ୟ ଯେ ଭାରତୀୟ ଇସଲାମିକ ଛାତ୍ର ଆନ୍ଦୋଳନ (ସିମି) ଏକ ନିଷେଧ ସଂଗଠନ। ଏହି ସଂଗଠନ ୧୯୭୭ରେ ଉତ୍ତରପ୍ରଦେଶ ଅଲ୍ଲୀଗଡ଼ରେ ବିସ୍ଫୋରଣ ଘଟାଇଥିଲା।
୫ ସିମି ଆତଙ୍କବାଦୀଙ୍କୁ ଆଜୀବନ ଜେଲ୍
Popular Categories
Previous article
Next article