ମାଓବାଦୀଙ୍କ ସହିଦ ସପ୍ତାହରେ ଲାଗିଲା ମାଓ ପୋଷ୍ଟର

ମ.ରାମପୁର: ମାଓବାଦୀ ମାନଙ୍କ ସହିଦ ସପ୍ତାହ ଚାଲିଥିବା ବେଳେ ପୋଷ୍ଟର ଲଗାଇ ନିଜର ଉପସ୍ଥିତି ଜାହିର କରିଛନ୍ତି ଲାଲବାହିନୀ । କଳାହାଣ୍ଡି ଜିଲ୍ଲା ଏମ୍ ରାମପୁର ବ୍ଳକର ମୋହନଗିରି ପଞ୍ଚାୟତର ମୋହନଗିରି ମେନରୋଡ଼ ହାଟପଡା, ବିଜାମାଲର ହରିଡ଼ାପଡା. ସିଂହପୁର ପଂଚାୟତ କାନ୍ଥ, ରାସ୍ତା କଡ଼ରେ ଥିବା କାନ୍ଥ, ବିଦ୍ୟୁତ ଖୁଣ୍ଟ ଓ ଗଛରେରେ ମାଓ ପୋଷ୍ଟର ଲାଗିଛି । କେକେବିଏନ ଡିଭିଜନାଲ କମିଟି, ଭାଜପା (ମାଓବାଦୀ) ପକ୍ଷରୁ ଲାଗିଥିବା ପୋଷ୍ଟରରେ ଅଗଷ୍ଟ ୧୫କୁ ମିଛ ସ୍ବାଧୀନତା ପର୍ଦ୍ଧାଫାଶ କରନ୍ତୁ, କଳାଦିବସ ଭାବେ ପାଳନ କରନ୍ତୁ ।

ଦେଶର ଲୋକଙ୍କ ଉପରେ ଫାଶୀବାଦୀ ସମାଧାନ ସୈନିକ ଆକ୍ରମଣ କଳା ଆଇନ ବିରୁଦ୍ଧରେ ସଂଘର୍ଷ ତେଜ କରନ୍ତୁ, ଦେଶରେ ଅଘୋଷିତ ଜରୁରୀକାଳୀନ ଯୁଦ୍ଧ ବିରୁଦ୍ଧରେ ସମସ୍ତ ଦେଶପ୍ରେମୀ ଏକାଠି ହୋଇ ସଂଘର୍ଷ କରନ୍ତୁ । ଚାଷୀ ସଂକଟ, ଖାଦ୍ୟାଭାବ, ବେରୋଜଗାର ମହିଳାଙ୍କ ଉପରେ ଅତ୍ୟାଚାର, ଦରଦାମ ବୃଦ୍ଧି ମାନବିକତା ବିରୁଦ୍ଧରେ ପ୍ରକୃତି ଓ ପରିବେଶକୁ ବଞ୍ଚାଇବା ପାଇଁ ଆନ୍ଦୋଳନ ବ୍ୟାପକ କରନ୍ତୁ ବୋଲି ଉଲ୍ଲେଖ ଅଛି । ଏଭଳି ପୋଷ୍ଟର ଦେଖି ଅଞ୍ଚଳରେ ଲୋକମାନଙ୍କ ମଧ୍ୟରେ ଭୟର ବାତାବରଣ ଦେଖାଦେଇଛି।

Comments are closed.