ପ୍ରତ୍ୟେକ ଶନିବାର ଦିନ ଶନିଙ୍କ ମନ୍ଦିରରେ ଭକ୍ତଙ୍କ ଭିଡ ଲାଗି ରହିଥାଏ। ଶନିବାର ଦିନ ଭକ୍ତମାନେ ଶନିଦେବଙ୍କ ମୂର୍ତ୍ତିରେ ସୋରିଷ ତେଲ ଚଢାଇଥାଆନ୍ତି। ଏହାସହ ଦୀପ ମଧ୍ୟ ପ୍ରଜ୍ବଳିତ କରି ଥାଆନ୍ତି। ଅନେକ ଲୋକ ଶନିଙ୍କ ପାଦରେ ତେଲ ଲଗାଇ ଥାଆନ୍ତି। ଏପରି କରିବା ପଛରେ କିଛି କାରଣ ରହିଛି। ଆସନ୍ତୁ ଜାଣିବା ସେହି ବିଷୟରେ ..
ପୌରାଣିକ କଥା ଅନୁଯାୟୀ, ଏପରି କରିବାର ଏକ କାହାଣୀ ରହିଛି।
କାହାଣୀଟି ହେଉଛି, ଥରେ ଶନିଦେବ ନିଜ ଶକ୍ତି ଉପରେ ଗର୍ବ କଲେ। ସେହି ସମୟରେ ହନୁମାନଙ୍କ ଚର୍ଚ୍ଚା ଚାରି ଆଡେ ଚାଲିଥିଲା। ସମସ୍ତେ ପ୍ରଭୁ ହନୁମାନଙ୍କୁ ଖୁବ ମାନୁଥିଲେ। ତେଣୁ ଶନି ତାଙ୍କ ସହ ଲଢେଇ କରିବା ପାଇଁ କହିଥିଲେ। ଶନିଦେବ ଯୁଦ୍ଧ ପାଇଁ ଯେତେବେଳେ ହନୁମାନଙ୍କ ପାଖକୁ ଯାଇଥିଲେ ସେତେବେଳେ ସେ ଭଗବାନ ରାମଙ୍କ ଭକ୍ତିରେ ଲୀନ ଥିଲେ। ଯୁଦ୍ଧ କଥା ହନୁମାନଙ୍କୁ ଶନିଦେବ କହିଲେ କିନ୍ତୁ ସେ ତାଙ୍କୁ ବୁଝାଇବାକୁ ଲାଗିଲେ। ଶନିଦେବ ତାଙ୍କର କିଛି କଥା ଶୁଣିଲେ ନାହିଁ। ଏହି କଥାରୁ ସେ ଦୁଇ ଜଣଙ୍କ ମଧ୍ୟରେ ଯୁଦ୍ଧ ହେଲା। ପ୍ରଭୁ ହନୁମାନ ଶନିଦେବଙ୍କୁ ଯୁଦ୍ଧରେ ହରାଇ ଆଘାତ କରିଥିଲେ। ଶନିଦେବଙ୍କ ଶରୀର ଆଘାତ ପାଇବା ଦେଖି ହନୁମାନ ତାଙ୍କୁ ତେଲ ଲଗାଇଲେ। ଏପରି କରିବା ଦ୍ବାରା ଶନିଦେବଙ୍କ ସମସ୍ତ କଷ୍ଟ ଦୂର ହୋଇଗଲା। ଏହାପରେ ଶନିଦେବ କହିଲେ ଯେ, ଯେଉଁ ଭକ୍ତ ମୋତେ ଶ୍ରଦ୍ଧାର ସହ ତେଲ ଅର୍ପଣ କରିବ ତାର ସମସ୍ତ କଷ୍ଟ ଦୂର ହୋଇଯିବ। ସେହି ଦିନ ଠାରୁ ଶନିଦେବଙ୍କୁ ତେଲ ଅର୍ପଣ କରିବାର ପରମ୍ପରା ରହିଛି।
