ନୀଳଗିରି: ବାଲେଶ୍ଵର ଜିଲା ଅଧୀନ ସେରଗଡ଼ରୁ ନୀଳଗିରି ଫେରୁଥିବା ସମୟରେ ୨ଜଣ ଲୁଟେରା ଜଣେ ମହିଳା ବେକରୁ ସୁନା ହାର ଝାମ୍ପି ଚମ୍ପଟ ମାରିଥିବା ନେଇ ଅଭିଯୋଗ ହୋଇଛି। ଲୁଟେରା କଳା ପଲସର ବାଇକରେ ଆସି ଜଣେ ମହିଳାଙ୍କ ବେକରୁ ସୁନା ହାର ଝାମ୍ପି ନେବା ଘଟଣା ଅଞ୍ଚଳରେ ଉଦବେଗ ସୃଷ୍ଟି କରିଛି। ନୀଳଗିରି ଥାନା ପୋଡ଼ାଶୋଳ ଅଞ୍ଚଳର ପରମାନନ୍ଦ ପାତ୍ର ତାଙ୍କ ପତ୍ନୀ ସରସ୍ୱତୀ ଓ ଝିଅକୁ ବାଇକରେ ବସାଇ ଘରକୁ ଫେରୁଥିବା ସମୟରେ ଗଡ଼ିଆମାଳ ପଣ୍ଡା ପାର୍କ ନିକଟରେ ପଛରୁ ଦୁଇ ଜଣ ଦୁର୍ବୁତ୍ତ ବାଇକରେ ଆସି ହାରଟିକୁ ଝାମ୍ପି ନୀଳଗିରି ପଟକୁ ପଳାଇ ଯାଇଥିଲେ। ସେମାନଙ୍କୁ ପିଛା କରା ଯାଇଥିଲେ ହେଁ ପତା ମିଳି ପାରିନି। ଏନେଇ ସେରଗଡ଼ ଫାଣ୍ଡିରେ ଏକ ଏତଲା ଦାୟର ହୋଇଥିବା ବେଳେ ଖନ୍ତାପଡ଼ା ଓ ନୀଳଗିରି ପୁଲିସ ସିସିଟିଭି ଫୁଟେଜ ଆଧାରରେ ତଦନ୍ତ କରୁଥିବା ଦେଖିବାକୁ ମିଳିଛି। ଲୁଟ ହୋଇଥିବା ଗହଣାର ମୂଲ୍ୟ ଦେଢ଼ଲକ୍ଷ ରୁ ଉର୍ଦ୍ଧ୍ବ ହେବ ବୋଲି ସୂଚନା ମିଳିଛି।
Popular Categories
Previous article
Next article