ସମାଜ ଡିଜିଟାଲ ଡେସ୍କ: ନୟାପଲ୍ଲୀ ଥାନା ଅଞ୍ଚଳରେ ଥିବା ଏକ ତାରିଣୀ ମନ୍ଦିରରୁ ଲୁଟ୍ ହୋଇଛି। ଦୁର୍ବୃତ୍ତମାନେ ମନ୍ଦିରରୁ ପ୍ରାୟ ୩୦ ଲକ୍ଷ ଟଙ୍କା ମୂଲ୍ୟର ସୁନା ଅଳଙ୍କାର ଲୁଟି ନେଇଛନ୍ତି। ଏପରି କି ମା’ଙ୍କ ସୁନା ଆଖି ବି ତାଡ଼ି ନେଇଛନ୍ତି। ଏହା ବ୍ୟତୀତ ମା’ଙ୍କ ସୁନା ନାକ, ମଥାମଣି, ସପ୍ତମୁଖ ଦୀପ ଲୁଟି ନେଇଛନ୍ତି ଦୁର୍ବୃତ୍ତ।
ରବିବାର ବିଳମ୍ବିତ ରାତିରେ ଏହି ଲୁଟ୍ ଘଟଣା ଘଟିଥିବା ଅନୁମାନ କରାଯାଉଛି। ଏ ନେଇ ମନ୍ଦିର ପକ୍ଷରୁ ଥାନାରେ ଏତଲା ଦିଆଯିବା ପରେ ପୁଲିସ ତଦନ୍ତ ଆରମ୍ଭ କରିଛି। ପୁଲିସ ପକ୍ଷରୁ ଆଖପାଖରେ ଲାଗିଥିବା ସିସିଟିଭି କ୍ୟାମେରାର ଫୁଟେଜକୁ ଯାଞ୍ଚ କରାଯାଉଛି।
