ଡେସ୍କ: ଆଜି ଲୋକସଭାକୁ ଏପ୍ରିଲ ୩ ଯାଏଁ ମୁଲତବୀ ଘୋଷଣା କରାଯାଇଛି। ଚଳିତ ବଜେଟ ଅଧିବେଶନ କାଳରେ ଗୃହ କାର୍ଯ୍ୟ ସୁରୁଖୁରୁରେ ଚାଲିପାରି ନଥିବା ବେଳେ ଆଜି ମଧ୍ୟ ହଟ୍ଟଗୋଳ ମଧ୍ୟରେ ବାଚସ୍ପତି ଏପ୍ରିଲ ୩ତାରିଖ ଯାଏଁ ଲୋକସଭାକୁ ମୁଲତବୀ ଘୋଷଣା କରିଛନ୍ତି।
ଆଜି ଲୋକସଭାର ଗୃହ କାର୍ଯ୍ୟ ଆରମ୍ଭ ହେବା କ୍ଷଣି ବିରୋଧୀ ସଦସ୍ୟମାନେ ଅଦାନୀ-ହିନ୍ଦନବର୍ଗ ଘଟଣାର ଜେପିସି ତଦନ୍ତ ଦାବି କରି ସ୍ଲୋଗାନ ଦେଇଥିଲେ। ଫଳରେ ଗୃହକୁ ୧୨ତା ଯାଏଁ ମୁଲତବୀ ରଖାଯାଇଥିଲା। ରାଜ୍ୟସଭାକୁ ମଧ୍ୟ ଅପରାହ୍ନ ୨ଟା ମୁଲତବୀ ରଖାଯାଇଥିଲା।
