ଲକ୍ଷ୍ନୌ : ପ୍ରସିଦ୍ଧ ଉର୍ଦ୍ଧୁ ଲେଖକ ପଦ୍ମଶ୍ରୀ କାଜି ଅବଦୁଲ ସତ୍ତାରଙ୍କ ରବିବାର ବିଳମ୍ବିତ ରାତିରେ ଦିଲ୍ଲୀର ଗଙ୍ଗାରମ ହସ୍ପିଟାଲରେ ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୮୭ ବର୍ଷ ହୋଇଥିଲା। ତାଙ୍କ ପାର୍ଥିବ ଶରୀରକୁ ତାଙ୍କ କାର୍ଯ୍ୟସ୍ଥଳ ଆଲିଗଡ଼କୁ ଆଣାଯାଇ ଶେଷକୃତ୍ୟ ସମ୍ପନ୍ନ କରାଯିବ ବୋଲି ସୂଚନା ଦିଆଯାଇଛି। ତାଙ୍କ ମୃତ୍ୟୁରେ ଆଲିଗଡ଼ ସହରର ବୁଦ୍ଧିଜୀବୀ, ଶୁଭଚିନ୍ତକ, ସାହିତ୍ୟିକ, କବି ମହଲରେ ଶୋକର ଛାୟା ଖେଳିଯାଇଛି। ଆଲିଗଡ଼ ମୁସଲିମ ବିଶ୍ୱବିଦ୍ୟାଳୟର ଉର୍ଦ୍ଧୁ ବିଭାଗରୁ ଅବସର ଗ୍ରହଣ କରିଥିବା ପ୍ରଧ୍ୟାପକ କାଜି ଅବଦୁଲ ସତ୍ତାର ସୀତାପୁର ଜିଲା ମଝରେଟା ଗ୍ରାମରେ ୧୯୩୩ ମସିହାରେ ଜନ୍ମଗ୍ରହଣ କରିଥିଲେ। ତାଙ୍କ ଜୀବନ କାଳରେ ସେ ଅନେକ ଉର୍ଦ୍ଧୁ ଉପନ୍ୟାସ, ଗୀତ ରଚନା କରିଛନ୍ତି। ‘ଶିକସ୍ତ କି ଆବାଜ’, ‘ମଜ୍ଜୁ ଭେୟା’, ଗୁବାର ଏକ ଶାବ’, ସଲାହୁଦ୍ଦିନ ଆୟୁବି’, ‘ଦାରା ଶିଖୋ’, ‘ଗାଲିବ, ହଜରତ ଜାନ ପିତଲ କା ଘଣ୍ଟି’, ‘ବାଦଲ’ ଆଦି ଉପନ୍ୟାସ ତାଙ୍କୁ ଲେଖକ ଭାବେ ଏକ ସ୍ୱତନ୍ତ୍ର ପରିଚୟ ଦେଇଥିଲା। ସେ ୧୯୯୭ରେ ଗାଲିବ, ୧୯୭୪ରେ ପଦ୍ମଶ୍ରୀ, ୧୯୭୭ରେ ମୀର ଆୱାର୍ଡ ଏବଂ ଉତ୍ତରପ୍ରଦେଶ ଉର୍ଦ୍ଧୁ ଆକାଡେମୀ ଆୱାର୍ଡ, ୧୯୮୭ରେ ଆଲମୀ, ଜାତୀୟ ପୁରସ୍କାର, ୧୯୯୩ରେ ନିଶାନ-ଏ-ସର-ସୟଦ, ୧୯୯୬ରେ ଜ୍ଞାନେନ୍ଦ୍ର, ୨୦୦୨ରେ ବାହାଦୁର ଶାହ ଜାଫର, ୨୦୦୩ରେ ଦୋହା ଅନ୍ତର୍ଜାତୀୟ ପୁରସ୍କାର, ୨୦୦୭ରେ ଆଇଏସ୍ଟି ୟୁନଭରସିଟି ଉର୍ଦ୍ଧୁ ଶିକ୍ଷକ ପୁରସ୍କାର, ୨୦୧୧ରେ ଉତ୍ତରପ୍ରଦେଶ ହିନ୍ଦୀ ସଂସ୍ଥାନ ସମ୍ମାନ ପୁରସ୍କାର ପାଇଥିଲେ।
Popular Categories
Previous article
Next article