ପାଟଣା : ପାଟଣା ଥାନା ଅଞ୍ଚଳ ସାହାରପଡ଼ା ବ୍ଲକ ଦାମାହୁଦା ବଜାରରେ ପାନ ଦୋକାନ କରିଥିବା ଗୋଜାପଥର ଗ୍ରାମର ଶତୃଘନ ମହାନ୍ତ (୩୫)ଙ୍କ ଦୋକାନ ଉପରେ ଆଜି ସନ୍ଧ୍ୟାରେ ପାଟଣା ଥାନାଧିକାରୀ ରାଜେନ୍ଦ୍ର ସ୍ୱାଇଁ ସଦଳବଳେ ଚଢାଉ କରିଥିଲେ। ଏହି ସମୟରେ ଶତୃଘନ ତାଙ୍କ ପାନ ଦୋକାନ ଭିତରେ ମୋଟ ୯୦ ବୋତଲ ବିଦେଶୀ ମଦ ରଖିଥିବା ଜଣାପଡିବା ପରେ ଏହାକୁ ଜବତ କରିଥିଲେ। ଶତୃଘନ ମହାନ୍ତଙ୍କୁ ପାଟଣା ଆରକ୍ଷୀ ଗିରଫ କରି ଥାନାକୁ ଆଣିଥିବା ଜଣାପଡିଛି । ଦାମାହୁଦା ଓ ମାଛଗଡ ଅଞ୍ଚଳରେ ବ୍ୟାପକ ପରିମାଣରେ ଚୋରା ବିଦେଶୀ ମଦ ଓ ମହୁଲି ମଦ ବିକ୍ରି ହେଉଥିବା ବେଳେ କୌଣସି ଥାନାଧିକାରୀ ଏତେ ପରିମାଣର ବିଦେଶୀ ମଦ ଜବତ କରିବା ଘଟଣା ପାଟଣା ଥାନା ପାଇଁ ପ୍ରଥମ ଘଟଣା ବୋଲି କୁହାଯାଉଛି।
Comments are closed.