ଲାଞ୍ଜିଗଡ: କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ଲାଞ୍ଜି ପଞ୍ଚାୟତ ଡାହାଣୀପଦର ଗ୍ରାମର ନରି ମାଝୀ ନାମକ ଜଣେ ବ୍ୟକ୍ତିଙ୍କ ପତ୍ନୀ ଅମି ମାଝୀଙ୍କ ମୃତ୍ୟୁ ପରେ ତାଙ୍କ ୯ ମାସର ଏକ ଶିଶୁପୁତ୍ର ସମେତ ଆଉ ତିନୋଟି ଶିଶୁ ଅତ୍ୟନ୍ତ ଅସହାୟ ଅବସ୍ଥାରେ ଥିବା ଖବର ମିଳିଥିଲା। ଏ ସମ୍ପର୍କରେ ଖବର ପାଇବା ପରେ ଅଗ୍ରଣୀ ସାମ୍ବାଦିକ ସଂଗଠନ ଲାଞ୍ଜିଗଡ ପ୍ରେସ କ୍ଲବର ସକ୍ରିୟ ସଦସ୍ୟ ତଥା ସମାଜସେବୀ ଧର୍ମେନ୍ଦ୍ର ପଣ୍ଡା ଗାଁକୁ ଯିବା ସହିତ ତାଙ୍କ ସହାୟତା ଓ ଲାଞ୍ଜିଗଡ ପ୍ରେସ କ୍ଲବର ସଭାପତି ସୁଶୀଲ କୁମାର ବାଗ, ସ୍ବେଛାସେବୀ ଏସ. ସୁଜାତା, ଯୁବ ସମାଜସେବୀ ମନୀଷ ସାହୁଙ୍କ ଉଦ୍ୟମ କ୍ରମେ ଜିଲ୍ଲା ଶିଶୁ ସୁରକ୍ଷା ୟୁନିଟ ସହିତ ଯୋଗାଯୋଗ କରାଯାଇ ୯ ମାସର ଛୋଟ ଶିଶୁକୁ ଉଦ୍ଧାର କରି ଭବାନୀପାଟଣାସ୍ଥିତ ଶିଶୁ ଯତ୍ନ ଗୃହରେ ଥଇଥାନ କରାଯାଇଛି।
ସୂଚନାଯୋଗ୍ୟ, ପତ୍ନୀଙ୍କ ଅକାଳ ମୃତ୍ୟୁ ପରେ ନରି ମାଝୀ ନିଜ ଜନ୍ମିତ ଶିଶୁମାନଙ୍କ ଭରଣପୋଷଣ ଓ ସେବାଯତ୍ନ କରିବା ପାଇଁ ସକ୍ଷମ ନଥିବା ଖବର ଶୁଣି ଶ୍ରୀ ପଣ୍ଡା ଓ ଶ୍ରୀ ସାହୁ ଡାହାଣୀପଦର ଗାଁକୁ ଯାଇ ସ୍ଥିତି ଯାଞ୍ଚ କରିବା ସହ ଅନ୍ୟମାନଙ୍କ ଉଦ୍ୟମରେ ଜିଲ୍ଲା ଶିଶୁ ସୁରକ୍ଷା ୟୁନିଟ ସହିତ ଯୋଗାଯୋଗ କରିଥିଲେ। ଏହାପରେ ସମ୍ପୃକ୍ତ ଶିଶୁକୁ ଉଦ୍ଧାର ଓ ଥଇଥାନ କରାଯାଇପାରିଛି।
Comments are closed.