ଲାଞ୍ଜିଗଡ଼: କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ଲାଞ୍ଜିଗଡସ୍ଥିତ ମାହେଶ୍ୱରୀ ପ୍ରସାଦ ଖେଳପଡିଆଠାରେ ଲାଞ୍ଜିଗଡ କ୍ରିକେଟ କ୍ଳବ ଆନୁକୂଲ୍ୟରେ ମାହେଶ୍ୱରୀ ପ୍ରସାଦ ମେମୋରିଆଲ କ୍ରିକେଟ ପ୍ରତିଯୋଗିତା ଉଦଘାଟିତ ହୋଇଯାଇଛି। ଏହି ଉଦଘାଟନୀ ମ୍ୟାଚ୍ ଚଣାଲୀମା ଓ ଜଗନ୍ନାଥପୁର ଦଳ ମଧ୍ୟରେ ହୋଇଥିଲା। ଚଣାଲୀମା ଦଳ ପ୍ରଥମେ ଟସ ଜିତି ଫିଲଡିଂ କରିଥିଲା। ଜଗନ୍ନାଥପୁର ଦଳ ବ୍ୟାଟିଂ କରି ୧୨ ଓଭର ୫ ଉଇକେଟ ବିନିମୟରେ ୧୨୦ ରନ୍ କରିଥିଲା।
ଏହାର ଜବାବରେ ଚଣାଲୀମା ଦଳ ୧୦.୫ ଓଭରରେ ସମସ୍ତ ଉଇକେଟ ହରାଇ ବିନିମୟରେ ୯୫ ରନ୍ କରି ଜଗନ୍ନାଥପୁର ଦଳ ଠାରୁ ପରାଜୟ ବରଣ କରିଥିଲା। ଏହି ମ୍ୟାଚରେ ଜଗନ୍ନାଥପୁର ଦଳ ୨୫ ରନରେ ବିଜୟୀ ହୋଇଥିଲା। ଉଦଘାଟନୀ ମ୍ୟାଚରେ ମୁଖ୍ୟ ଅତିଥି ଭାବେ ଲାଞ୍ଜିଗଡ ଜୋନ୍-୨ ଜିଲା ପରିଷଦ ସଦସ୍ୟ ପରୀକ୍ଷିତ ନାଏକ ଯୋଗଦେଇଥିବା ବେଳେ ସମ୍ମାନୀୟ ଅତିଥି ଭାବେ ଲାଞ୍ଜିଗଡ ପୂର୍ବତନ ବିଧାୟକ ଶିବାଜୀ ମାଝୀ, ଲାଞ୍ଜିଗଡ ସରପଞ୍ଚ ସରସ୍ବତୀ ମୁଣ୍ଡା, ଲାଞ୍ଜିଗଡ ରାଜା ସୁରେନ୍ଦ୍ର ପ୍ରତାପ ସିଂହଦେଓ, ଲାଞ୍ଜିଗଡ ପୂର୍ବତନ ଜିଲା ପରିଷଦ ସଦସ୍ୟ ରାଜେନ୍ଦ୍ର ପ୍ରତାପ ସିଂହଦେଓ, ଲାଞ୍ଜିଗଡ ଆଞ୍ଚଳିକ ବିକାଶ ପରିଷଦ ସଭାପତି ଶ୍ରୀଧର ପେଶନିଆ, ସମାଜସେବୀ ସୁବାଷ ଅଗ୍ରୱାଲ ଓଁକାର ଆଚାର୍ଯ୍ୟ, ଶାନ୍ତନୁ ବିଶି ପ୍ରମୁଖ ଉପସ୍ଥିତ ଥିଲେ ।
ଏହି ପ୍ରତିଯୋଗିତା ୨୫ ତାରିଖ ଠାରୁ ଆରମ୍ଭ ହେଇ ଆସନ୍ତା ମାସ ୬ ତାରିଖରେ ଶେଷ ହେବାକୁ ଥିବା ବେଳେ ଏଥିରେ ୧୬ ଟି ଦଳ ସାମିଲ ହେଇଛନ୍ତି ବୋଲି ଲାଞ୍ଜିଗଡ କ୍ରିକେଟ କ୍ଳବ ତରଫରୁ ସୂଚନା ଦିଆଯାଇଛି।
