ଲାଞ୍ଜିଗଡ: ଲଗାଣ ବର୍ଷା ଯୋଗୁଁ ଜନଜୀବନ ବେହାଲ ହୋଇପଡ଼ିଛି । ମାଟି ଘରର କାନ୍ଥ ଭାଙ୍ଗି ଉପରେ ପଡ଼ିଯିବାରୁ ଲାଞ୍ଜିଗଡ଼ ବ୍ଲକ ଗୋବର୍ଦ୍ଧନପୁର ଗ୍ରାମପଞ୍ଚାୟତ ମଧୁପୁର ଗାଁର ଭୀମ ନାଏକଙ୍କ ଚାରିବର୍ଷର ନାବାଳକର ବାମଗୋଡ଼ ଭାଙ୍ଗିଯାଇଛି । ଗରିବ ଦିନ ମଜୁରିଆ ଭୀମ ବଡ଼କଷ୍ଟରେ ପରିବାର ଚଳାଉଥିବା ବେଳେ ଆଜି ପର୍ଯ୍ୟନ୍ତ ସରକାରଙ୍କ ଯୋଜନାରେ ଘର ଖଣ୍ଡିଏ ମଧ୍ୟ ପାଇନାହାନ୍ତି । ଏବେ ତାଙ୍କ ମାଟିଘର ଲଗାଣ ବର୍ଷାରେ ଭାଙ୍ଗିଯିବାରୁ ଘରେ ଥିବା ନାବାଳକ ଉପରେ ପଡ଼ିଯିବାରୁ ବାମ ଗୋଡ଼ ଭାଙ୍ଗିଯାଇଛି । ତାକୁ ଗୁରୁତର ଭାବେ ଉଦ୍ଧାର କରି ପରିବାର ଲୋକେ ଚିକିତ୍ସା କରାଉଥିବା ଜଣାପଡ଼ିଛି । ତେବେ ଭୀମଙ୍କ ପରିବାରକୁ ତୁରନ୍ତ ସହାୟତା ଯୋଗାଇଦେବାକୁ ଦାବି ହେଉଛି ।
Comments are closed.