ଲଡୁଗାଁ: କୋକସରା ଥାନା ଅନ୍ତର୍ଗତ ଗମ୍ଭାରୀଗୁଡା ପଞ୍ଚାୟତ ଚିକିଲି ଗ୍ରାମର ରମେଶ ସାହୁ ନାମକ ଜଣେ ବ୍ୟକ୍ତି ଦୀର୍ଘ ବର୍ଷ ହେବ ଗାଁରେ ବେଆଇନ ଭାବେ ମଦ କୋଠି ଖୋଲି ଗାଁର ପରିବେଶକୁ ନଷ୍ଟ କରିଛନ୍ତି। ଗାଁର ଯୁବକ, ଖଟିଖିଆ ଓ ଗରିବ ଶ୍ରେଣୀର ଲୋକଙ୍କୁ ମଦ ବିକ୍ରି କରି ଘରେ ଘରେ ଅଶାନ୍ତି ବାତାବରଣ ସୃଷ୍ଟି କରି ପଥଭ୍ରଷ୍ଟ କରି ଆସୁଥିଲେ। ଏହାକୁ ବିରୋଧ କରି ଆସୁଥିଲେ ଗ୍ରାମର ମହିଳା ସଂଘ। ଅନେକ ସମୟରେ ମଦ କୋଠି ବନ୍ଦ କରିବାକୁ ଚେତାବନୀ ଦେବା ସତ୍ତ୍ବେ ମଦ କୋଠି ବନ୍ଦ ନ କରିବାରୁ ଗ୍ରାମର ମହିଳା ସଂଘ ଓ ସଚେତନ ନାଗରିକମାନେ ମଙ୍ଗଳବାର ମଦ କୋଠିରେ ପହଞ୍ଚି ଦେଶୀ ବିଦେଶୀ ମଦକୁ ନଷ୍ଟ କରିଥିଲେ। ବୁଧବାର ଗ୍ରାମର ମହିଳା ସଂଘ ଓ ଗ୍ରାମବାସୀ କୋକସରା ଥାନାକୁ ଆସି ମଦ କୋଠି ବନ୍ଦ କରିବାକୁ ଥାନା ଅଧିକାରୀଙ୍କୁ ଲିଖିତ ଅଭିଯୋଗ କରିଛନ୍ତି।
Comments are closed.