ଲଡୁଗାଁ: ସମ୍ପ୍ରତି ଲଡୁଗାଁ ଏକ ବ୍ୟସ୍ତବହୁଳ ବ୍ୟବସାୟିକ ନଗରୀ ରୂପେ ଅଗ୍ରଗତି କରିଛି। ଚତୁର୍ଦିଗକୁ ରାଇସ୍ ମିଲଗୁଡିକ ଘେରି ରହିଛି। ଗାଁ ଏ ମୁଣ୍ଡରୁ ସେ ମୁଣ୍ଡ ଯାଏ ପ୍ରତି ମିନିଟରେ ମାଲବାହୀ ଟ୍ରକ ଯିବାଆସିବା କରିଥାଏ। ଇତିମଧ୍ୟରେ ଜନଗହଳି ଓ ଟ୍ରାଫିକ ସମସ୍ୟା ମଧ୍ୟ ବୃଦ୍ଧି ପାଇଛି। ଏହାସହ ରାସ୍ତା ଦୁରବସ୍ଥା ଯୋଗୁଁ ଯାନବାହାନ ଚଳାଚଳରେ ଧୂଳିମୟ ପରିବେଶ ଲୋକଙ୍କୁ ଅତିଷ୍ଠ କରୁଛି। ବ୍ୟବସାୟୀମାନଙ୍କ ଦୋକାନ ଘର ରାସ୍ତା ଆଗକୁ ମାଡି ଆସିବା, ସେମାନଙ୍କର ଚାରିଚକିଆ ଯାନ ରାସ୍ତା ଉପରେ ଠିଆ ହେବା, ଚାରିଦିଗରୁ ମାଲବାହୀ ଟ୍ରକ ଜନ ଗହଳି ଜାଗାରେ ଏକାଠି ହେବା ଟ୍ରାଫିକ୍ ସମସ୍ୟାର ପ୍ରମୁଖ କାରଣ ହୋଇ ଉଭା ହୋଇଛି। ଲୋକେ ଟ୍ରକ୍ ଡ୍ରାଇଭରକୁ ଗାଡି ଆଗକୁ ନେବାକୁ କହିଲେ ନାଲିଆଖି ଦେଖାଇ ହିନ୍ଦୀରେ ଗାଳି ଦେଉଥିବା ଅଭିଯୋଗ କରିଛନ୍ତି। ଏହାକୁ ନେଇ ଜନସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଅତିଶୀଘ୍ର ଯଦି ଏହାର ଜାଗା ଚିହ୍ନଟ କରାଯାଇ ରାସ୍ତା ପ୍ରଶସ୍ତିକରଣ କରା ନ ଯାଏ କିମ୍ବା ଏହି ସମସ୍ୟାର ସମାଧାନ ନ କରାଯାଏ ତେବେ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ଅଞ୍ଚଳବାସୀ।
Popular Categories
Previous article
Next article