ଲଡୁ ଗାଁ : କୋକସରା ବ୍ଲକ ଆମପାଣି ଥାନା ବିଜୁ ଏକ୍ସପ୍ରେସ ୱେରେ ଜଣେ ବାଇକ୍ ଆରୋହୀ ଦୁର୍ଘଟଣାଗ୍ରସ୍ତ ହୋଇଥିବା ସୂଚନା ମିଳିଥିଲା। କେନ୍ଦୁଗୁଡା ଛକ ନିକଟ ବିଜୁ ଏକ୍ସପ୍ରେସ ୱେ ଡିଭାଇଡ଼ରରେ ପିଟିହୋଇ ଡୁଡୁକାଠେଙ୍ଗା ପଞ୍ଚାୟତ ଖଲିଗଡ଼ ଟେମରିଆପଡାର ଜୟରାମ ବାଗଙ୍କ ପୁଅ ନକୁଳ ବାଗଙ୍କ ମୃତ୍ୟୁ ହୋଇଥିବା ସୂଚନା ମିଳିଛି।
ମିଳିଥିବା ସୂଚନା ଅନୁଯାୟୀ କେନ୍ଦୁଗୁଡା ଛକ ନିକଟ ବିଜୁ ଏକ୍ସପ୍ରେସ ୱେ ଡିଭାଇଡ଼ରରେ ପିଟିହୋଇ ଡୁଡୁକାଠେଙ୍ଗା ପଞ୍ଚାୟତ ଖଲିଗଡ଼ ଟେମରିଆପଡାର ଜୟରାମ ବାଗଙ୍କ ପୁଅ ନକୁଳ ବାଗ ଗୁରୁତର ଆହତ ହୋଇଥିଲେ। ଘଟଣା ସ୍ଥଳରେ ନକୁଳ ଗୁରୁତର ଥିବା ସମୟରେ ୧୦୮ ଆମ୍ବୁଲାନ୍ସ ହେଲ୍ପ ଲାଇନକୁ ଜଣେ ସ୍ଥାନୀୟ ଯୁବକ ଫୋନ କରିବାରୁ କୌଣସି ଗାଡି ଉପଲବ୍ଧ ନାହିଁ ନିଜେ ଗାଡି ବ୍ୟବସ୍ଥା କରନ୍ତୁ ବୋଲି ଉତ୍ତର ମିଳିଥିଲା । ଏହାରି ଭିତରେ ନକୁଳଙ୍କ ମୃତ୍ୟୁ ହୋଇଯାଇଥିଲା। ଖବର ପାଇ ଘଟଣାସ୍ଥଳରେ ଆମପାଣି ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି। ନକୁଳଙ୍କ ମୃତଦେହକୁ କୋକସରା ଦମକଳ ବାହିନୀର ସାହାଯ୍ୟରେ ବ୍ୟବଚ୍ଛେଦ ପାଇଁ କୋକସରା ଡାକ୍ତରଖାନାକୁ ପଠାଯାଇଛି।
Comments are closed.