କୁଶାସିଙ୍ଗା ଜଗନ୍ନାଥ ସଡ଼କ ଅବସ୍ଥା ଶୋଚନୀୟ

ହରଭଙ୍ଗା: ହରଭଙ୍ଗା ବଜାର ସଦରମହକୁମା ଦେଇ କୁଶାସିଙ୍ଗା ଯାଇଥିବା ଜଗନ୍ନାଥ ସଡ଼କ ଅବସ୍ଥା ଭାରିଯାନ ଚଳାଚଳ ଯୋଗୁଁ ଶୋଚନୀୟ ହୋଇପଡ଼ିଛି। ପ୍ରକାଶ ଯେ, ହରଭଙ୍ଗାରୁ ଅଯୋଧ୍ୟା ପର୍ଯ୍ୟନ୍ତ ପ୍ରଧାନମନ୍ତ୍ରୀ ସଡକ ଦୀର୍ଘ ୭ବର୍ଷ ତଳେ ନିର୍ମାଣ କରାଯାଇଥିଲା। ଏବେ ବିଭିନ୍ନ ମହାନଦୀ ବାଲିଘାଟରୁ ବାଲିବୋଝେଇ ହାଇୱା ଭଳି ଭାରିଯାନ ଚଳାଚଳ ଯୋଗୁଁ ସଡକ ଅବସ୍ଥା ଶୋଚନୀୟ ହୋଇପଡ଼ିଛି। ବର୍ତ୍ତମାନ କୁଶାସିଙ୍ଗା ବିଜୁ ସେତୁକୁ ସଂଯୋଗ କରୁଥିବା ଦୁଇପାର୍ଶ୍ବ ଆପ୍ରୋଚ ରାସ୍ତା ଭାରିଯାନ ଚଳାଚଳ ଯୋଗୁଁ ଶୋଚନୀୟ ହୋଇପଡ଼ିଛି। ଏ ଦିଗରେ ଗ୍ରାମ୍ୟ ଉନ୍ନୟନ ବିଭାଗ ଦୃଷ୍ଟିଦେବା ସହ ଭାରିଯାନ ଚଳାଚଳ ପାଇଁ କଟକଣା ହୋଡିଂ ଲଗାଇବାକୁ ସାଧାରଣରେ ଦାବୀ ଉଠୁଛି।