ଗୋଟିଏ ଦେଶ-ଗୋଟିଏ ନିର୍ବାଚନ: ରାଷ୍ଟ୍ରପତିଙ୍କୁ ରିପୋର୍ଟ ଦେଲେ କୋବିନ୍ଦ କମିଟି

ନୂଆଦିଲ୍ଲୀ: ଗୋଟିଏ ଦେଶ ଗୋଟିଏ ନିର୍ବାଚନ ନେଇ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ରିପୋର୍ଟ ପ୍ରଦାନ କରିଛନ୍ତି ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ । ରାଷ୍ଟ୍ରପତି ଭବନରେ ଦ୍ରୌପଦୀ ମୁର୍ମୁଙ୍କୁ ଭେଟି ୧୮ହଜାର ୬୨୬ପୃଷ୍ଠାର ରିପୋର୍ଟ ପ୍ରଦାନ କରିଛନ୍ତି କୋବିନ୍ଦ କମିଟି । ବିଭିନ୍ନ ରାଜନୈତିକ ଦଳ, ବିଶେଷଜ୍ଞ ଓ ଅଂଶୀଦାର ସଂସ୍ଥାଙ୍କ ସହ ଦୀର୍ଘ ୧୯୧ଦିନର ଆଲୋଚନା ପରେ ଏହି ରିପୋର୍ଟ ପ୍ରସ୍ତୁତ କରାଯାଇଛି । ୨ ସେପ୍ଟେମ୍ବର ୨୦୨୩ରେ ରାମନାଥ କୋବିନ୍ଦଙ୍କ ଅଧ୍ୟକ୍ଷତାରେ ଏହି କମିଟି ଗଠନ କରାଯାଇଥିଲା ।
ଲୋକସଭା ଓ ବିଧାନସଭା ନିର୍ବାଚନର ଶହେ ଦିନ ମଧ୍ୟରେ ପୌର ଓ ପଂଚାୟତ ନିର୍ବାଚନ କରାଇବାକୁ ରିପୋର୍ଟରେ ପ୍ରସ୍ତାବ ଦିଆଯାଇଛି । ଏହାସହିତ ସମସ୍ତ ନିର୍ବାଚନ ପାଇଁ ଗୋଟିଏ ମତଦାତା ତାଲିକା ପ୍ରସ୍ତୁତ କରିବାକୁ ପ୍ରସ୍ତାବ ଦିଆଯାଇଛି । ଏହି ରିପୋର୍ଟରେ ପ୍ରଥମ ପର୍ଯ୍ୟାୟରେ ଲୋକସଭା ଓ ବିଧାନସଭା ନିର୍ବାଚନ ବିଷୟରେ କୁହାଯାଇଛି । ଦ୍ୱିତୀୟ ପର୍ଯ୍ୟାୟରେ ନଗରପାଳିକା, ପଂଚାୟତ ନିର୍ବାଚନକୁ ଲୋକସଭା ଓ ରାଜ୍ୟ ବିଧାନସଭା ନିର୍ବାଚନ ସହ ଯୋଡିବା ବିଷୟରେ କୁହାଯାଇଛି ।

Former President of India Shri Ram Nath Kovind who heads High-Level Committee (HLC) on 'One Nation, One Election' presented the report on simultaneous elections in the country to President Droupadi Murmu along with members of the HLC including Union Home Minister Shri Amit Shah,… pic.twitter.com/wqlPZ3n0FV

— President of India (@rashtrapatibhvn) March 14, 2024