ଭୁବନେଶ୍ବର: ରାଷ୍ଟ୍ରପତି ଭବନରେ ପହଞ୍ଚିଲା କୋହିନୂର ହୀରା ଫେରସ୍ତ ଦାବି। ରାଷ୍ଟ୍ରପତି ଭବନକୁ ଯାଇ ଦାବିପତ୍ର ପ୍ରଦାନ କଲେ ଜଗନ୍ନାଥ ସେନା ଆବାହକ। କୋହିନୂର ହୀରା ଜଗନ୍ନାଥଙ୍କର ଏବଂ ଏହାକୁ ରାଜା ରଞ୍ଜିତ ସିଂ ଦାନ କରିଥିଲେ। ମାମଲାରେ ପ୍ରଧାନମନ୍ତ୍ରୀ ହସ୍ତକ୍ଷେପ କରି ତୁରନ୍ତ ଫେରାଇ ଆଣିବାକୁ ଦାବି କରାଯାଇଛି।
କୋହିନୂର ହୀରାର ସଂପୂର୍ଣ୍ଣ ଇତିହାସ ଲେଖିଥିବା ପ୍ରସିଦ୍ଧ ବ୍ରିଟିଶ ଲେଖକ ୱିଲିୟମ ଡାରଲିମ୍ପଲ ନିଜ ପୁସ୍ତକ କୋହିନୂରରେ ଲେଖିଛନ୍ତି ଯେ କୋହିନୂର ୧୮୧୩ ଜୁନ ୧ରେ ମହାରାଜା ରଣଜିତ ସିଂଙ୍କ କବଜାକୁ ଆସିଥିଲା। ଆଫଗାନ ଶାସକ ଶାହା ସୁଜାଙ୍କଠାରୁ ସେ ବଳପୂର୍ବକ ଏହାକୁ ହାସଲ କରିଥିଲେ। ୧୮୧୩ ଠାରୁ ପରବର୍ତ୍ତୀ ୩୬ ବର୍ଷ ପର୍ୟ୍ୟନ୍ତ ଏହି ହୀରା ପାଲଟି ଥିଲା ଶିଖ ଆଧିପତ୍ୟର ପ୍ରତୀକ। ନିଜେ ମହାରାଜା ଏହାକୁ ବାହୁରେ ପିନ୍ଧୁଥିଲେ। ପରବର୍ତ୍ତୀ ସମୟରେ କୋହିନୂର ମହାରାଜାଙ୍କ ପୁତ୍ରମାନେ ରଖିପାରିନଥିଲେ। ବ୍ରିଟିଶ ଇଷ୍ଟ ଇଣ୍ଡିଆ କମ୍ପାନି ହାତରେ ଶିଖ ସାମ୍ରାଜ୍ୟର ପତନ ହେବାପରେ କୋହିନୂର ହୀରାକୁ ବଳପୂର୍ବକ ହାସଲ କରିନେଲା କମ୍ପାନି । କମ୍ପାନି ତରଫରୁ ଏହି ହୀରାକୁ ବ୍ରିଟିଶ ମହାରାଣୀ ଭିକ୍ଟୋରିଆଙ୍କୁ ଉପହାର ଦିଆଯାଇଥିଲା। ମହାପ୍ରଭୁ ଶ୍ରୀ ଜଗନ୍ନାଥଙ୍କୁ ଅର୍ପଣ ହେବାକୁ ଥିବା ଏହି ରତ୍ନ ବ୍ରିଟିଶ ମହାରାଣୀଙ୍କ ମୁକୁଟର ଶୋଭା ବର୍ଦ୍ଧନ କଲା । କିନ୍ତୁ ଏହି ହୀରାକୁ ନିଜେ ପଞ୍ଜାବର ମହାରାଜା ଦୁଲୀପ ସିଂ ରାଣୀଙ୍କୁ ଉପହାର ଦେଇଥିଲେ ବୋଲି ବ୍ରିଟିଶ ସରକାର ସଫେଇ ଦେଇଥିଲେ।
ରାଷ୍ଟ୍ରପତି ଭବନରେ ପହଞ୍ଚିଲା କୋହିନୂର ହୀରା ଫେରସ୍ତ ଦାବି
Popular Categories
Previous article
Next article