ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ କିଛି ଦିନ ହେବ ଚର୍ଚ୍ଚାରେ ଡଲି ଚା’ ବାଲା । ନିକଟରେ ବିଲ ଗେଟ୍ସଙ୍କୁ ଚା’ ପିଆଉଥିବା ଭିଡିଓ ସାମ୍ନାକୁ ଆସିବା ପରେ ଡଲିଙ୍କ ବିଷୟରେ ଜାଣିବା ପାଇଁ ସମସ୍ତେ ଉତ୍ସାହିତ ହୋଇପଡିଛନ୍ତି । ଡଲି ଚା’ ବିକି କେତେ ଟଙ୍କା ଆୟ କରୁଛନ୍ତି ସମସ୍ତେ ଜାଣିବାକୁ ଚାହୁଁଛନ୍ତି ।
ନିକଟରେ ଡଲି ଏକ ଲାମ୍ବ୍ରୋଗିନି କାର୍ ସହିତ ପୋଜ୍ ଦେଉଥିବା ନଜର ଆସୁଛନ୍ତି । ଏକ ଫ୍ଲାଇଟରେ ମଧ୍ୟ କେଉଁଆଡେ ଯିବାର ଭିଡିଓ ସାମାଜିକ ଗଣମାଧ୍ୟମରେ ଘୁରିବୁଲୁଛି । ଏ ସବୁ ଦେଖିବା ପରେ ତାଙ୍କ ଆୟ ସମ୍ପର୍କରେ ସମସ୍ତେ ଜାଣିବା ପାଇଁ ଆଗଭର ହେଉଛନ୍ତି ।
ତେବେ ଆଇଏମଡିବି ଷ୍ଟାର୍ଟ ପୋର୍ଟାଲ ଅନୁସାରେ ଡଲି ଚା’ ବିକି ଗୋଟିଏ ଦିନରେ ୨୫୦୦ ଟଙ୍କାରୁ ୩୫୦୦ ଟଙ୍କା ପର୍ଯ୍ୟନ୍ତ ଆୟ କରୁଛନ୍ତି । ତାଙ୍କ ଗୋଟିଏ ଚା କପର ଦାମ୍ ୭ ଟଙ୍କା ଏବଂ ସେ ପ୍ରତିଦିନ ପ୍ରାୟ ୪୦୦ କପ୍ ଚା’ ବିକୁଛନ୍ତି । ତାଙ୍କର ସମୁଦାୟ ସମ୍ପତ୍ତି ୧୦ ଲକ୍ଷ ଟଙ୍କା । ସେ ଗତ ୧୬ ବର୍ଷ ହେବ ଚା’ ବିକୁଛନ୍ତି । ତାଙ୍କ ଚା ବିକିବା ନିଶା ଯୋଗୁଁ ସେ ଦଶମ ପରେ ପାଠ ପଢିବା ଛାଡିଦେଲେ । ତାଙ୍କ ପାଖକୁ ଅନେକ ବଡ ବଡ ଲୋକ ମଧ୍ୟ ଚା’ ପିଇବାକୁ ଆସନ୍ତି ।
