ବାସ୍ତୁ ଶାସ୍ତ୍ରରେ ଦିଗ ଓ ରଙ୍ଗର ଖୁବ୍ ମହତ୍ତ୍ୱ ରହିଛି । ମାନ୍ୟତା ଅନୁଯାୟୀ, ଘରର କାନ୍ଥ, ସ୍ଲାବ୍ର ରଙ୍ଗର ପ୍ରଭାବ ଘରର ବାସ୍ତୁ ଓ ପରିବାର ସଦସ୍ୟଙ୍କ ଉପରେ ପଡିଥାଏ । ରୋଷେଇ ଘର ଏକ ଗୁରୁତ୍ୱପୂର୍ଣ୍ଣ ସ୍ଥାନ । ଏଠାରେ ରଖା ଯାଉଥିବା ଜିନିଷ, ପରିବାର ସଦସ୍ୟଙ୍କ ସ୍ୱାସ୍ଥ୍ୟ ଉପରେ ମଧ୍ୟ ପଡିଥାଏ । ବିଶେଷ କରି ରୋଷେଇ ଘର କାନ୍ଥ ଓ ସ୍ଲାବ୍ । ଏହାର ରଙ୍ଗ ପ୍ରତି ଧ୍ୟାନ ଦେବା ଆବଶ୍ୟକ । ନଚେତ୍ ପରିବାର ସଦସ୍ୟ ସର୍ବଦା ମାନସିକ ଦୁଃଶ୍ଚିନ୍ତା ଓ ଅନ୍ୟାନ୍ୟ ସମସ୍ୟା ଭୋଗ କରନ୍ତି । ଘରେ କଳହ, ସ୍ୱାସ୍ଥ୍ୟଜନିତ ସମସ୍ୟା, ଆର୍ଥିକ ସମସ୍ୟା ସୃଷ୍ଟି ହୋଇଥାଏ । ତେଣୁ ବାସ୍ତୁ ଅନୁଯାୟୀ ରଙ୍ଗ ଚୟନ କରିବା ଆବଶ୍ୟକ । ଜାଣନ୍ତୁ..
ବାସ୍ତୁ ଅନୁସାରେ ରୋଷେଇ ଘର ସ୍ଲାବ୍ କଳା ରଙ୍ଗର ହେବା ଉଚିତ୍ ନୁହେଁ । କଳା ରଙ୍ଗ କର୍ମଫଳ ଦାତା ଶନିଦେବଙ୍କ ରଙ୍ଗ । ତେଣୁ ରୋଷେଇ ଘର, ଶୟନ କକ୍ଷରେ ଏହି ରଙ୍ଗର ବ୍ୟବହାର କରିବା ଉଚିତ୍ ନୁହେଁ ।
କଳା ରଙ୍ଗର ସ୍ଲାବ୍ ହେବା ଦ୍ୱାରା ପରିବାର ସଦସ୍ୟ ସର୍ବଦା ଚିନ୍ତାଗ୍ରସ୍ତ ରହି ଥାଆନ୍ତି । ଆର୍ଥିକ ସମସ୍ୟା ହେବା ସହ ରୋଗ ଲାଗିରହିଥାଏ । କଳହ ହୋଇଥାଏ । ଘରର ମହିଳାଙ୍କର ପାଦ ସହ ଜଡିତ ସମସ୍ୟା ହୋଇଥାଏ । ଚକ୍ଷୁ ଜନିତ ସମସ୍ୟା ମଧ୍ୟ ହୋଇଥାଏ ।
ଏହି ରଙ୍ଗର କି ରୋଷେଇ ଘର କାନ୍ଥ,ସ୍ଲାବ୍; ହେବ କଳହ, ଧନ ଅଭାବ, ରୋଗ, ଜାଣନ୍ତୁ କେଉଁ ରଙ୍ଗ ଦେବ ଶୁଭଫଳ..
ଯେଉଁ ବ୍ୟକ୍ତି ବିଶେଷଙ୍କ ରୋଷେଇ ଘର ସ୍ଲାବ୍ର ରଙ୍ଗ ହାଲୁକା ଧଳା ରଙ୍ଗ ହୋଇଥାଏ, ସେମାନଙ୍କ ଘରେ ସଦାସର୍ବଦା ସୁଖସମୃଦ୍ଧି ରହିଥାଏ । ଉନ୍ନତି ହୋଇଥାଏ ।
ସ୍ୱାସ୍ଥ୍ୟ ଉତ୍ତମ ସହ କଳହ ହୋଇନଥାଏ। ଟଙ୍କାର ଅଭାବର ସାମ୍ନା କରିବାକୁ ପଡେ ନାହିଁ । ହାଲୁକା ଧଳା ସହ ହଳଦିଆ, ସବୁଜ, ପାଉଁଶିଆ, ମାଟିଆ ରଙ୍ଗର ମଧ୍ୟ ଶୁଭଙ୍କର ।
ବାସ୍ତୁ ଅନୁସାରେ, ଧଳା, ମାଟିଆ, ନୀଳ, ହଳଦିଆ, ସବୁଜ କିମ୍ବା ନାରଙ୍ଗୀ ରୋଷେଇ ଘରର କାନ୍ଥ ହେବା ଶୁଭଙ୍କର ।
ମାତ୍ର ଅତ୍ୟନ୍ତ ଗାଢ ରଙ୍ଗର କରନ୍ତୁ ନାହିଁ । ଗାଢ ରଙ୍ଗର ହେବା ଦ୍ୱାରା ନକରାତ୍ମକ ଶକ୍ତି ପ୍ରବେଶ କରିଥାଏ । ଘରେ ଅଶାନ୍ତି ଲାଗି ରହିଥାଏ । ସଦସ୍ୟଙ୍କ ମଧ୍ୟରେ ଅଯଥାରେ କଳହ ହୋଇଥାଏ।
