ଖୋର୍ଦ୍ଧା: ଖୋର୍ଦ୍ଧା ବୋଲୋଗଡରେ ଇଭିଏମ୍ ଫିଙ୍ଗାଯିବା ଅଭିଯୋଗ ମାମଲାରେ ତଦନ୍ତ ଚାଲିଛି। ସିସି ଟିଭିକୁ ଯାଞ୍ଚ କରାଯିବ। ଆଜି ଏ ନେଇ ସୂଚନା ଦେଇଛନ୍ତି ଖୋର୍ଦ୍ଧା ଏସ୍ପି ଅବିନାଶ କୁମାର। ଘଟଣାକୁ ନେଇ ପ୍ରିଜାଇଡିଂ ଅଫିସଙ୍କ ଏତଲା ଆଧାରରେ ପ୍ରଶାନ୍ତ ଜଗଦେବଙ୍କୁ ଗିରଫ କରାଯାଇଛି। ଏବେ ଯାଏଁ ସିସି ଟିଭି ଯାଞ୍ଚ ହୋଇନାହିଁ। ଜିଲ୍ଲା ନିର୍ବାଚନ ଅଧିକାରୀଙ୍କୁ ସିସି ଟିଭି ଫିଟେଜକୁ ମଗାଯିବ। ନିର୍ବାଚନ ପ୍ରକ୍ରିୟା ପରେ ଏହାକୁ ଯାଞ୍ଚ କରାଯିବ। ଘଟଣାରେ ଅନ୍ୟ କେହି ସମ୍ପୃକ୍ତ ଥିଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଏସ୍ପି କହିଛନ୍ତି। ଖୋର୍ଦ୍ଧା ଜିଲ୍ଲା ବୋଲଗଡ ବ୍ଲକ କାଉଁରିପାଟଣା ବୁଥ୍ ରେ ଇଭିଏମ୍ ଫିଙ୍ଗାଯିବା ଅଭିଯୋଗ ମାମଲାରେ ଶନିବାର ପ୍ରଶାନ୍ତ ଜଗଦେବଙ୍କୁ ପୁଲିସ୍ ଗିରଫ କରିଛି। ଅପରାହ୍ନରେ ପୁଲିସ୍ ଚିଲିକା ବିଧାୟକ ପ୍ରଶାନ୍ତ ଜଗଦେବ ଏବଂ ତାଙ୍କ ପତ୍ନୀ ଭୋଟ୍ ଦେବା ପାଇଁ କାଉରିପାଟଣାଁ ବୁଥ୍ ରେ ପହଞ୍ଚିଥିଲେ। ଏହାର କିଛି ସମୟ ପରେ ଇଭିଏମ୍କୁ ଫିଙ୍ଗା ଫୋପଡା କରାଯିବା ନେଇ ଅଭିଯୋଗ ହୋଇଥିଲା। ତେବେ ସମସ୍ତ ଅଭିଯୋଗକୁ ଖଣ୍ଡନ କରିବା ସହ ଗିରଫ ପୂର୍ବରୁ ଜଗଦେବ ସିସି ଟିଭି ଯାଞ୍ଚ ପାଇଁ ଦାବି କରିଥିଲେ।
Comments are closed.