ହାଇଦରାବାଦ : ତେଲଙ୍ଗାନା ବିଧାନସଭା ଭଙ୍ଗ ହେବା ପରେ ରାଜ୍ୟରେ ବିଭିନ୍ନ ରାଜନୈତିକ ଦଳ ପକ୍ଷରୁ ପ୍ରତିକ୍ରିୟା ପ୍ରକାଶ ପାଇଛି। ୧୦ ମାସ ପୂର୍ବରୁ ବିଧାନସଭା ଭଙ୍ଗ କରି କେ. ଚନ୍ଦ୍ରଶେଖର ରାଓ ନିଜ ଗୋଡରେ ନିଜେ କୁରାଢ଼ୀ ମାରିଛନ୍ତି ବୋଲି ତେଲେଙ୍ଗାନା ପ୍ରଦେଶ କଂଗ୍ରେସ କମିଟି ମୁଖ୍ୟ ଉତ୍ତମ କୁମାର ରେଡ୍ଡୀ କହିଛନ୍ତି। ରାଜ୍ୟର ଜନତା ଏହାର ଦୃଢ ଜବାବ ଦେବେ ବୋଲି ସେ କହିଛନ୍ତି। ଅନ୍ୟପକ୍ଷରେ ବିଜେପି ମଧ୍ୟ ଏହାକୁ ନିନ୍ଦା କରିଛି। ରାଜ୍ୟରେ ରାଷ୍ଟ୍ରପତି ଶାସନ ଲାଗୁ କରିବାକୁ ବିଜେପି ଦାବି କରିବ ବୋଲି ଦଳ ପକ୍ଷରୁ କୁହାଯାଇଛି। ଦେଶରେ ଏକକାଳୀନ ନିର୍ବାଚନ କରାଇବା ନେଇ ବିଜେପି ଦାବି କରୁଥିବାବେଳେ ତେଙ୍ଗାନାରେ ଆଗୁଆ ନିର୍ବାଚନକୁ ସମର୍ଥନ କରିବ ନାହିଁ। ଏହାସତ୍ତ୍ବେ ତେଲଙ୍ଗାନା ବିଧାନସଭା ଭଙ୍ଗ ହେବାପରେ ରାଜ୍ୟରେ ରାଷ୍ଟ୍ରପତି ଶାସନ ଲାଗୁ ପାଇଁ ଦଳ ପକ୍ଷରୁ ସୁପାରିସ କରାଯିବ ବୋଲି ପୂର୍ବରୁ ସ୍ପଷ୍ଟ କରାଯାଇଛି।
