ଶ୍ରୀନଗର – କାଶ୍ମୀରରେ ଆତଙ୍କବାଦୀମାନେ ଜଣେ କାଶ୍ମୀର ପଣ୍ଡିତଙ୍କୁ ହତ୍ୟା କରିବା ପରେ ଶ୍ରୀନଗର ସହ କେନ୍ଦ୍ର ଶାସିତ ଅଞ୍ଚଳର ବିଭିନ୍ନ ସ୍ଥାନରେ ବିକ୍ଷୋଭ ପ୍ରଦର୍ଶନ କରାଯାଇଛି ।ସରକାରୀ କାର୍ଯ୍ୟାଳୟ ଭିତରେ ପଶି କାଶ୍ମୀର ପଣ୍ଡିତ ରାହୁଲ୍ ଭଟ୍ଟଙ୍କୁ ଆତଙ୍କବାଦୀମାନେ ହତ୍ୟା କରିଥିଲେ ।
ରାହୁଲ୍ଙ୍କ ହତ୍ୟା ପରେ ଜାମ୍ମୁ-କାଶ୍ମୀରରେ ବିଭିନ୍ନ ସ୍ଥାନରେ ଏବେ ବିକ୍ଷୋଭ ପ୍ରଦର୍ଶନ କରାଯାଇଛି । ବିଭିନ୍ନ ସ୍ଥାନରେ ପ୍ରଦର୍ଶନ ହିଂସ୍ର ରୂପ ନେବାପରେ ପୁଲିସ୍ ପକ୍ଷରୁ ଲାଠି ଚାର୍ଜ ସହ ଲୁହବୁହା ଗ୍ୟାସ ପ୍ରୟୋଗ କରାଯାଇଛି । ଆତଙ୍କବାଦୀମାନେ ଜାମ୍ମୁ-କାଶ୍ମୀର ପୁଲିସର ଜଣେ ଯବାନଙ୍କୁ ତାଙ୍କ ଘର ନିକଟରେ ଗୁଳି କରି ହତ୍ୟା କରିଛନ୍ତି ।
ହତ୍ୟାର ଶିକାର ହୋଇଥିବା କାଶ୍ମୀର ପଣ୍ଡିତଙ୍କ ପରିବାର ଲୋକ ମୃତକ ରାହୁଲ୍ଙ୍କ ପତ୍ନୀଙ୍କୁ ସରକାରୀ ଚାକିରି ପ୍ରଦାନ ଏବଂ ତାଙ୍କ ପିଲାମାନଙ୍କୁ ମାଗଣାରେ ଶିକ୍ଷା ପ୍ରଦାନ ପାଇଁ ଦାବି କରିଛନ୍ତି । ବିମାନବନ୍ଦର ଆଡକୁ ଅଗ୍ରସର ହେବା ସମୟରେ ପୁଲିସ ଲାଠିଚାର୍ଜକ ରିବା ସହ ଲୁହ ବୁହା ଗ୍ୟାସ ପ୍ରୟୋଗ କରିଥିଲା ।
