ତିଗିରିଆ: ତିଗିରିଆ ବ୍ଲକ ଅନ୍ତର୍ଗତ ନିଜିଗଡ଼ ପଞ୍ଚାୟତର କରଡ଼ାପଲ୍ଲୀ ଗ୍ରାମରେ ଗତକାଲି ଗୋଟିଏ ପରିବାରରୁ ୮ଜଣ ସଦସ୍ୟ କରୋନା ପଜିଟିଭ ଚିହ୍ନଟ ହେବା ପରେ ଶୁକ୍ରବାର ସ୍ଥାନୀୟ ସରପଞ୍ଚ ଭବାନୀ ପ୍ରସାଦ ପଟ୍ଟନାୟକ ଉକ୍ତ ଗ୍ରାମକୁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରିଛନ୍ତି। ସରକାରଙ୍କ କୋଭିଡ଼-୧୯ ନିୟମ ମୁତାବକ ଜନସାଧାରଣଙ୍କ ହିତ ଦୃଷ୍ଟିରୁ ଶୁକ୍ରବାର ସକାଳ ୭ଟାରୁ ଆସନ୍ତା ସୋମବାର ସକାଳ ୭ଟା ପର୍ୟ୍ୟନ୍ତ ୭୨ଘଣ୍ଟା ପାଇଁ ନିଜିଗଡ଼ ଗ୍ରାମ ପଞ୍ଚାୟତର ପିଇଟି କଲେଜ ଗେଟ ପାଖରୁ ଜଟିଆଣୀ ସାହି ଛକ ପର୍ୟ୍ୟନ୍ତ ସମସ୍ତ କରଡ଼ାପଲ୍ଲୀ ଅଞ୍ଚଳକୁ ସଟଡାଉନ ଘୋଷଣା କରାଯାଇଛି। ଏଥି ସହିତ ଏହି ଅବଧିରେ କରଡ଼ାପଲ୍ଲୀ ଗ୍ରାମକୁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରାଯାଇଛି। ଉକ୍ତ ଘୋଷଣା ନାମା ସମ୍ପର୍କରେ ସରପଞ୍ଚ ଆଠଗଡ଼ ଉପଜିଲ୍ଲାପାଳଙ୍କ ସହିତ ସ୍ଥାନୀୟ ପ୍ରଶାସନ, ପୁଲିସ, ଅଗ୍ନିଶମ ଆଦି ବିଭାଗୀୟ ଅଧିକାରୀଙ୍କୁ ଅବଗତ କରାଯିବା ସହ ଜନସାଧାରଣଙ୍କୁ ଏନେଇ ଡାକବାଜି ଯନ୍ତ୍ରରେ ପ୍ରଚାର କରାଯାଇଥିବା ଜଣାପଡ଼ିଛି। ସେହିପରି ପୁରୁଣାତିଗିରିଆ ପଞ୍ଚାୟତ ଅନ୍ତର୍ଗତ ଚଷାଆଁରା ଗ୍ରାମରେ ଗତକାଲି ଜଣେ ସ୍ଥାନୀୟ କରୋନା ସଂକ୍ରମିତଙ୍କୁ ଚିହ୍ନଟ କରାଯାଇଥିବାରୁ ଉକ୍ତ ଗ୍ରାମକୁ ସ୍ଥାନୀୟ ସରପଞ୍ଚ ରଞନା ସାହୁ ଶୁକ୍ରବାର ସକାଳ ୬ଟାରୁ ସୋମବାର ସକାଳ ୬ଟା ପର୍ୟ୍ୟନ୍ତ ୭୨ଘଣ୍ଟା ପାଇଁ ସଟଡାଉନ ଘୋଷଣା କରିଛନ୍ତି। ଏହି ସମୟରେ ସମସ୍ତ ଜନସାଧାରଣ ଆବଶ୍ୟକୀୟ ସାବଧାନତା ଓ ସତର୍କତା ସହିତ ଘରେ ଆବଦ୍ଧ ହୋଇ ରହିବା ପାଇଁ ପରାମର୍ଶ ଦିଆଯାଇଥିବା ଜଣାପଡ଼ିଛି।
Popular Categories
Previous article
Next article