କଂଟାବାଞ୍ଜି: ସ୍ଥାନୀୟ ତହସିଲ ଅଫିସ କମ୍ୟୁନିଟି ସେଣ୍ଟରରେ ଆମ ଆଦମୀ ପାର୍ଟିର କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି । ନଗର ସଭାପତି ବିଷ୍ଣୁ ପୁଞ୍ଜିଙ୍କ ସଭାପତିତ୍ବରେ ଆୟୋଜିତ ଏହି ସଭାରେ ଜିଲା ଆବାହକ ଆଶିଷ ପାଣ୍ଡେ ମୁଖ୍ୟ ଅତିଥି, କଂଟାବାଞ୍ଜି ନିର୍ବାଚନ ମଣ୍ଡଳୀର ସଂଯୋଜକ ସୁରଥ ବେହେରା ମୁଖ୍ୟ ବକ୍ତା ରୂପେ ଯୋଗ ଦେଇଥିବା ବେଳେ ତୁରେକେଲା ବ୍ଲକ ସଭାପତି ବିନୋଦ ପୁଟେଲ, ୧୦ ନମ୍ବର ଜୋନ ସଭାପତି ମହେଶ୍ୱର ସାହୁ, କଂଟାବାଞ୍ଜି ୱାର୍ଡ ନମ୍ବର ୧୪ ପ୍ରଭାରୀ ହାଡୁ ଛତ୍ରିଆ, କଂଟାବାଞ୍ଜି ବିଧାନସଭା ପ୍ରଭାରୀ ରାମାକାନ୍ତ ବେହେରା, ଅଶୋକ ସୁନା ସମ୍ମାନିତ ଅତିଥି ରୂପେ ଯୋଗ ଦେଇଥିଲେ । ଏହି ସଭାରେ ଧାମନଡଙ୍ଗା ସଭାପତି ଡୋଲାମଣି ମହତ, ୱାର୍ଡନମ୍ବର ୧୨ ସଭାପତି ସତ୍ୟ ବେହେରା, ୫ ସଭାପତି ଜିତେନ୍ଦ୍ର ମୁଦୁଲି, ବୁରୋମାଲ ସଭାପତି ଜଗନ୍ନାଥ ଦାଶ, ତର୍କ ଖର୍ସେଲ ପ୍ରମୁଖ ଆଗାମୀ ନିର୍ବାଚନକୁ ଲକ୍ଷ୍ୟ ରଖି ପ୍ରତ୍ୟେକ ଲୋକଙ୍କ ପାଖକୁ ଆମ ଆଦମୀ ପାର୍ଟିର ଯୋଜନାକୁ ଘରେ ଘରେ ପହଞ୍ଚାଇବାର ସଂକଳ୍ପ ନେଇଥିଲେ ଏବଂ ଏହି ଅବସରରେ ମୋଦୀ ହଟାଅ ଦେଶ ବଞ୍ଚାଅର ପୋଷ୍ଟର ପ୍ରଦର୍ଶନ କରିଥିଲେ । ସଭାରେ ଆସନ୍ତା ମେ ମାସରୁ ନିର୍ବାଚନ ମଣ୍ଡଳୀ ସାରା ପଦଯାତ୍ରା କରାଯିବ ବୋଲି କଂଟାବାଞ୍ଜି ନିର୍ବାଚନ ମଣ୍ଡଳୀର ସଂଯୋଜକ ସୁରଥ ବେହେରା କହିଛନ୍ତି।
Comments are closed.