କାନପୁର : ଉତ୍ତରପ୍ରଦେଶର କାନପୁରରେ ଏଭଳି ଏକ ଦୁଃଖଦ ଘଟଣା ସାମ୍ନାକୁ ଆସିଛି, ଯାହା ହଇଚଇ ସୃଷ୍ଟି କରିଛି । ଘଟଣାର ଭିଡିଓ ମଧ୍ୟ ଏବେ ଦ୍ରୁତ ଗତିରେ ଭାଇରାଲ୍ ହେଉଛି । କାନପୁରରେ ଏକ ୱାଟର ପାର୍କରେ ପୁଲ୍ ପାର୍ଟିରେ ଗାଧୋଇବା ସମୟରେ ଜଣେ ୨୪ ବର୍ଷୀୟ ଯୁବକଙ୍କ ବୁଡି ଯାଇ ମୃତ୍ୟୁ ଘଟିଛି । ମାତ୍ର ଦୁଃଖର ବିଷୟରେ ସେଠାରେ ଯୁବକଙ୍କ ଅନ୍ୟ ବନ୍ଧୁମାନେ ଏ ବିଷୟରେ କିଛି ଜାଣି ପାରିନଥିଲେ । ସଭିଏଁ ଖୁସିରେ ପାଣି ଭିତରେ ଗାଧୋଉଥିଲେ । ଅନେକ ସମୟ ପର୍ଯ୍ୟନ୍ତ ଯୁବକ ଜଣକ ପୁଲ୍ରେ ଦେଖାନଯିବା ପରେ ସାଥିମାନେ ବ୍ୟସ୍ତ ହୋଇ ତାଙ୍କୁ ଖୋଜିବାକୁ ଲାଗିଲେ । ସାଙ୍ଗମାନେ ଯୁବକଙ୍କୁ ପାଣି ଭିତରୁ ଉଦ୍ଧାର କରି ହସ୍ପିଟାଲ ନେଇଥିଲେ । ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଯୁବକଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ତଦନ୍ତ କରୁଛି । ଯୁବକଙ୍କ ପରିବାରକୁ ଏନେଇ ଖବର ଦିଆଯାଇଛି ।
कानपुर_स्विमिंग पूल में नहाने गए युवक की डूब कर हुई मौत,
दोस्तों के साथ पूल पार्टी करने गया था मृतक शिखर @Uppolice
असंतुलित होकर पानी में डुबकी लगाई, फिर डूबा @dgpup
घटना का पूरा वीडियो कैमरे में हुआ कैद @DcpEast
पूरी घटना चकेरी थाना क्षेत्र की @kanpurnagarpol pic.twitter.com/bcnklMCCuz
— Jaheer Khan (@journoJaheerKha) June 24, 2025
ସିସିଟିଭିରେ କଏଦ ହୋଇଥିବା ଭିଡିଓରେ ଦେଖିପାରିବେ, ଅନେକ ଯୁବକ ପୁଲ୍ରେ ଗାଧୋଉଥିବା ସମୟରେ ଜଣେ ଯୁବକ ହଠାତ୍ ପୁଲ୍ ଭିତରକୁ ଯାଉଛନ୍ତି । ମାତ୍ର ଅନେକ ସମୟ ପର୍ଯ୍ୟନ୍ତ ବାହାରକୁ ଆସୁ ନାହାଁନ୍ତି । ଭିଡିଓ ଭାଇରାଲ୍ ହେବା ପରେ ଲୋକେ ଗଭୀର ଦୁଃଖ ପ୍ରକାଶ କରିବା ସହ ଭିନ୍ନ ଭିନ୍ନ ମତ ଦେଇଛନ୍ତି ।
ଖୁବ୍ ଶୀଘ୍ର ଧନଶକ୍ତି ରାଜଯୋଗ ; ଏହି ୩ ରାଶି ହେବେ ଭାଗ୍ୟଶାଳୀ, ହଠାତ୍ ହେବେ ଧନୀ, କିଣିବେ ଘର, ଗାଡି, ଜମି..
