ୱାଶିଂଟନ: ଆମେରିକାର ଉପରାଷ୍ଟ୍ରପତି ଭାରତୀୟ ବଂଶୋଦ୍ଭବ କମଳା ହାରିସ ଦେଶର ରାଷ୍ଟ୍ରପତି କ୍ଷମତା ପ୍ରାପ୍ତ କରିବାରେ ପ୍ରଥମ ମହିଳା ହୋଇଛନ୍ତି । ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କୁ ସମୟାନ୍ତର କଲୋନୋସ୍କୋପି ନିମନ୍ତେ ନିଶ୍ଚେତକ ଚିକିତ୍ସା କରାଯିବା ସମୟରେ କମଳା ହାରିସଙ୍କୁ ଏହି କ୍ଷମତା ହସ୍ତାନ୍ତର କରାଯାଇଛି । ବାଇଡେନ ଏକ ଘଣ୍ଟା ୧୫ ମିନିଟ କାଳ ନିଶ୍ଚେତକ ଚିକିତ୍ସାରେ ରହିଥିଲେ । ଶୁକ୍ରବାର ଦିନ ବାଇଡେନଙ୍କର ସମୟାନ୍ତର କଲୋନୋସ୍କପି ନିମନ୍ତେ ଏକ ଘଣ୍ଟା ୨୫ ମିନିଟ ପାଇଁ ନିଶ୍ଚେତକ ଦିଆଯିବା ପୂର୍ବରୁ ସେ ଅସ୍ଥାୟୀ ଭାବରେ ରାଷ୍ଟ୍ରପତି ଦାୟିତ୍ୱ କମଳାଙ୍କୁ ହସ୍ତାନ୍ତର କରିଥିଲେ । ଏହାଫଳରେ କମଳା ହାରିସ ପ୍ରଥମ ମହିଳା, ପ୍ରଥମ କୃଷ୍ଣକାୟ ଏବଂ ପ୍ରଥମ ଦକ୍ଷିଣ ଏସୀୟ ଉପରାଷ୍ଟ୍ରପତି ଭାବରେ ଆମେରିକାର ରାଷ୍ଟ୍ରପତି କ୍ଷମତା ହାସଲ କରି ରେକର୍ଡ ପ୍ରତିଷ୍ଠା କରିଛନ୍ତି । ବାଇଡେନ ନିଶ୍ଚେତକ ଚିକିତ୍ସାରେ ରହିଥିବାବେଳେ ହାରିସ ୱେଷ୍ଟ ୱିଙ୍ଗ ଦପ୍ତରରେ ବସି କାର୍ଯ୍ୟ କରିଥିବା ଜଣାଯାଇଛି । ସୂଚନାଯୋଗ୍ୟ ଯେ ଶନିବାର ବାଇଡେନ ୭୯ ବର୍ଷ ବୟସରେ ପଦାର୍ପଣକରିଛନ୍ତି ।
Popular Categories
Previous article
Next article