ମ.ରାମପୁର: ଭକ୍ତି ଆଉ ବିଶ୍ୱାସ ର ପର୍ବ କାମନା ଦଣ୍ଡ ଯାତ୍ରା ଆଜି ଠାରୁ ଆରମ୍ଭ ହୋଇଛି। ପ୍ରଥମ ଦିବସ ରେ ବିଭିନ୍ନ ଦଣ୍ଡ ଦଳ ପୂଜା ସହିତ ପଇତା ଧାରଣ ପୂର୍ବକ ବ୍ରତ ଆରମ୍ଭ କରିଥିଲେ। ତଳ ସାଗର ପଡା, ବୁରାଟ, ସୀର୍କିହେଜୁ, ପଣ୍ଡକାମାଳ ( କଲୋନୀ ପଡା), ଆମ୍ବ ଗାଆଁ ( ବାବୁ ପଡା), ଶୁଣ୍ଢୀ ପଡା, ବମକ, ମୋହନ ଗିରି ଆଦି ଦଣ୍ଡ ପୀଠ ନିଜ ର ତେର ଦିନାମାତ୍କ ଯାତ୍ରା ଆରମ୍ଭ କରିଥିବା ଜଣାଯାଇଛି। ଏଇ ତେର ଦିନ ମ, ରାମପୁର ଅଞ୍ଚଳ ଚଳ ଚଞ୍ଚଳ ହୋଇ ପଡେ। ପ୍ରତିଦିନ ଧୂଳିଆ ଦଣ୍ଡ, ପାଣି ଦଣ୍ଡ, ଅଗ୍ନି ଦଣ୍ଡ ଓ ଦଣ୍ଡ ନାଚ ଦେଖିବାକୁ ପ୍ରବଳ ମାତ୍ରା ରେ ଭକ୍ତ ଙ୍କ ସମାଗମ ଦେଖିବାକୁ ମିଳିଥାଏ।
ଏଠାରେ ସୂଚନା ଥାଉ କି, ମ,ରାମପୁର ଅଞ୍ଚଳରେ ଏହି କାମନା ଦଣ୍ଡ ଯାତ୍ରା ଶହେ ବର୍ଷ ରୁ ଉର୍ଦ୍ଧ୍ବ ସମୟ ଧରି ଚାଲି ଆସୁଛି। ଦଣ୍ଡ ପୀଠ ଗୁଡ଼ିକ ପ୍ରତି ଦିନ ଭିନ୍ନ ଭିନ୍ନ ଗ୍ରାମକୁ ଯାଇ ନିଜ ସେବାୟତ ମାନଙ୍କ ଦାଣ୍ଡ ରେ ଏହି କାଷ୍ଠା ଓ ନିଷ୍ଠା ର ପର୍ବ ପାଳନ କରନ୍ତି।
