ଅଗ୍ନିକାଣ୍ଡରେ ଜଳିଗଲା ଘର

କାମାକ୍ଷାନଗର: କାମାକ୍ଷାନଗର ବ୍ଲକ ବାଉଁଶପାଳ ପଞ୍ଚାୟତ ବାଙ୍ଗୁରା ଗ୍ରାମରେ ଅଗ୍ନିକାଣ୍ଡ। ଅଗ୍ନିକାଣ୍ଡରେ ଜଳିଗଲା ଗ୍ରାମର ପଦ୍ମନାଭ ସାମଲଙ୍କ ଗୋଟିଏ ବଖରା ଘର। ଫଳରେ ଘରେ ଥିବା ସମସ୍ତ ଆସବାହପତ୍ର ସାଙ୍ଗ, ଧାନ, ଚାଊଳ ଜଳି ପୋଡି ପାଊଁଶ ହୋଇଯାଇଛି।

ସୂଚନା ମୂତାବକ ଅପରାହ୍ନରେ ଘରେ ରୋଷେଇ କରୁଥିବା ବେଳେ ଅସାବଧାନତା ବସତଃ ନିଆଁ ଲାଗିଯାଇଥିଲା। ନିଆଁର ପ୍ରକୋପରେ କେବଳ ଜୀବନ ବଞ୍ଚାଇବା ଛଡା ଅନ୍ୟ କିଛି ସାମଗ୍ରି ଉଦ୍ଧାର କରିବା ସମ୍ଭବ ହେଲା ନାହିଁ। ଖବର ପାଇ ଘଟଣା ଅଗ୍ନିଶମ ବାହିନି ପହଞ୍ଚି ନିଆଁକୁ ଆୟତ୍ତ କରିଥିଲେ। ଅନ୍ୟ ଘର ନଥିବା ଯୋଗୁ ବାହାର ଜାଗାରେ ଆଶ୍ରୟ ନେବାକୁ ପଡିଛି। ପ୍ରଶାଶନ ପକ୍ଷରୁ ତୁରନ୍ତ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।