କାମାକ୍ଷାନଗର : କାମାକ୍ଷାନଗର ଥାନା ଜିରିଡାମାଳିର କେନାଲ ନିକଟରେ ଥିବା ଆଦିବାସୀ ବସ୍ତିର ଜଣେ ମହିଳା ତାଙ୍କର ନବଜାତକ ଶିଶୁପୁତ୍ରକୁ ବିକ୍ରୀ କରିଦେଇଥିବା ଅଭିଯୋଗ ହୋଇଛି। ଗତ ୧୩ ତାରିଖ ଶୁକ୍ରବାର ରାତିରେ ଜନ୍ମ ହୋଇଥିବା ଶିଶୁପୁତ୍ରକୁ ଗୋଟିଏ ଲୁଙ୍ଗି, ଗୋଟିଏ ଲୁଗା ଓ ଶହେ ଟଙ୍କା ବଦଳରେ ବିକ୍ରୀ କରି ଦେଇଥିବା ମହିଳା ଜଣକ ପ୍ରକାଶ କରିଛି।
ଏ ସଂକ୍ରାନ୍ତରେ ଶିଶୁ ପ୍ରକଳ୍ପ ଅଧିକାରୀ ସୈରେନ୍ଦ୍ର ପଟେଲ ଖବର ପାଇବା ପରେ ତୁରନ୍ତ ନିଜ ବିଭାଗୀୟ କର୍ମଚାରୀଙ୍କୁ ଡାକ୍ତରଖାନା ପଠାଇ ଚିକିତ୍ସା ବ୍ୟବସ୍ଥା କରିଥିଲେ। ଆଜି ମହିଳା ଜଣକ ଚିକିତ୍ସାଳୟରୁ ଚମ୍ପଟ ମାରିଛି। ସେ ଚିକିତ୍ସାଳୟରୁ ଉଭାନ ହେବା ଘଟଣା ନେଇ ଶିଶୁ ପ୍ରକଳ୍ପ ଅଧିକାରୀ ଥାନାରେ ଲିଖିତ ଅଭିଯୋଗ କରିଥିବା ବେଳେ ଥାନା ଅଧିକାରୀ ଶରତ ମହାଳିକ ଏ ସଂକ୍ରାନ୍ତରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବାର ଜଣାଯାଇଛି l
