କଲ୍ୟାଣସିଂହପୁର: ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ପରିସର ସମନ୍ୱିତ ଶିଶୁ ବିକାଶ ଠାରେ ଓଡିଶା ସରକାର ମିଶନ ଶକ୍ତି ବିଭାଗ ପକ୍ଷରୁ ବ୍ଲକସ୍ତରୀୟ ସୁଭଦ୍ରା ଶକ୍ତି ପାରମ୍ପାରିକ ଖାଦ୍ୟର ରୋଷେଇ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏଥିରେ ବ୍ଲକର ୧୪ଟି ପଞ୍ଚାୟତର ପ୍ରାୟ ୮ଟି ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ଭାଗନେଇ ପାରମ୍ପରିକ ମାଣ୍ଡିଆ ଚୁନାରେ ପୋଡପିଠା, ମଣ୍ଡାପିଠା, ଆରିସା, ରସାବଳୀ ଓ ପାରମ୍ପରିକ ଜଳଖିଆ ଯଥା ବରା, ପକୁଡ଼ି, ଚାଟ, ପୁରୀ, ପାଳୁଅ କଟା, ଚୁଡ଼ାଘଷା, ଦହିବରା, ମାଣ୍ଡିଆ ଯାଉ, ପାରକାଇଲୁ, ମୁହାଁ, କାଙ୍ଗୁଲା ଚାଉଳ ଖିରି, ଆଳୁଦମ୍, ଉପମା, କାକରା ପିଠା ଇତ୍ୟାଦି ପ୍ରସ୍ତୁତ କରି ପଦର୍ଶନୀ କରିଥିଲେ।
ଏଥିରେ ଭାରପ୍ରାପ୍ତ ସିଡିପିଓ ବି ଜୟଲକ୍ଷ୍ମୀ ବୈଠକରେ ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥି ଭାବେ ବ୍ଳକ ଅଧ୍ୟକ୍ଷା ଅମ୍ବ୍ରିତା କାଡ୍ରାକା ଯୋଗ ଦେଇଥିଲେ। ବିଡ଼ିଓ ମନୀଷା ଦାସ, ସହକାରୀ ଯନ୍ତ୍ରୀ ସବ୍ୟସାଚି ନାୟକ, ସୁପରଭାଇଜର ଜତ୍ସା ପଣ୍ଡା ସମ୍ମାନୀୟ ଅତିଥି ଭାବରେ ମଞ୍ଚାସିନ ରହିଥିଲେ। ଏଥିରେ ସହକାରୀ ଯନ୍ତ୍ରୀ ସବ୍ୟସାଚି ନାୟକ, ସୁପରଭାଇଜର ରେଣୁକା ପରିଡା, ମହାବିଦ୍ୟାଳୟର ଅଧ୍ୟାପିକା ସରିତା ପଟ୍ଟନାୟକ ବିଚାରକ ଭାବେ ରହିଥିଲେ। ଏଥିରେ ପ୍ରଥମ ସ୍ଥାନ ବୁଡଗୁଡା ପଞ୍ଚାୟତର ଦେଉଳବାଡି ଗ୍ରାମର ଅଗ୍ନିଗାଙ୍ଗା ମାଆଙ୍କୁ ୫ ହଜାର ଟଙ୍କାର ଚେକ ଓ ଦ୍ୱିତୀୟ ସ୍ଥାନ ଅଧିକାର କରିଥିବା ଶିକରପାଇର ମାଆ ମାଣିକେଶ୍ବରୀ ସ୍ୱୟଂ ସହାୟକା ଗୋଷ୍ଠିଙ୍କୁ ୪ହଜାର ଟଙ୍କା ଉପସ୍ଥିତ ଅତିଥିଙ୍କ ଦ୍ୱାରା ପୁରସ୍କୃତ କରାଯାଇଛି। ଏଥିରେ ଭାଗ ନେଇଥିବା ସମସ୍ତ ପ୍ରତିଯୋଗୀଙ୍କୁ ପ୍ରମାଣ ପ୍ରଦାନ କରାଯାଇଛି। ଏହାକୁ ମିଶନଶକ୍ତିର ବିପିସି ରାଜୀବ ପାଢ଼ୀ ସମେତ ବ୍ଲକ ଓ ସମନ୍ୱିତ ଶିଶୁ ବିକାଶର ସମସ୍ତ କର୍ମଚାରୀମାନେ ଉପସ୍ଥିତ ରହି କାର୍ଯ୍ୟକ୍ରମକୁ ସହଯୋଗ କରିଥିଲେ।
ଜଳଖିଆରେ ବି ଏକ ନମ୍ବର ; ଦୁନିଆର ୫୦ଟି ଶୀର୍ଷ ଖାଦ୍ୟ ତାଲିକାରେ ସ୍ଥାନରେ ପାଇଲା ଏହି ଭାରତୀୟ ଖାଦ୍ୟ
Comments are closed.