ମାଆ ପାଇଁ ଗୋଟିଏ ଗଛ ଲଗାଇ ତାର ଯତ୍ନ ନେବା

କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ଶିକରପାଇ ପଞ୍ଚାୟତରେ ଥିବା ସରକାରୀ ଉଚ୍ଚ ବିଦ୍ୟାଳୟରେ  ଶିକ୍ଷା ସପ୍ତାହ ଉପଲକ୍ଷେ ମାଆ ପାଇଁ ଗଛଟିଏ  ଦିବସ ପାଳନ କରାଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ରଞ୍ଜିତ କୁମାର ଗିରି ଉପସ୍ଥିତ ଛାତ୍ରଛାତ୍ରୀମାନଙ୍କୁ ବୃକ୍ଷର ମାହାତ୍ମ୍ୟ ଓ ଧରଣୀ ମାଆର ସୁରକ୍ଷା ପାଇଁ ଗଛର ଭୂମିକା କେତେ ଗୁରୁତ୍ୱ ପୂର୍ଣ୍ଣ ରହିଛି ସେ ବିଷୟରେ ବୁଝାଇଥିଲେ ।

ବିଦ୍ୟାଳୟ ପରିସରରେ ଛାତ୍ର ଛାତ୍ରୀ ,ଅଭିଭାବକ, ଶିକ୍ଷକ ଶିକ୍ଷୟିତ୍ରୀ ମିଳିତରେ ପରିବେଶ ପରିଷ୍କାର ପରିଚ୍ଛନ୍ନ କରି ପ୍ରାୟ ୭୦ଟି ବେଲ , ଅଁଳା ,ଶିଶୁ ,କାଞ୍ଚନ ,କରଞ୍ଜ,  ସିତାଫଳ, ଗମ୍ଵାରୀ ଭଳି ବୃକ୍ଷ ରୋପଣରେ ଅଂଶ ଗ୍ରହଣ କରିଥିଲେ ।ଏବଂ ଛାତ୍ର ଛାତ୍ରୀ ମାନେ ନିଜ ନିଜ ବାଡ଼ିରେ ମାଆ ପାଇଁ ଗୋଟିଏ ଲେଖାଏଁ ଗଛ ଲଗାଇ ତାର ଯତ୍ନ ନେବା ପାଇଁ ବିଦ୍ୟାଳୟ ପକ୍ଷରୁ କୁହାଯାଇଛି । ଏଥିରେ ପରିଚାଳନା ଦାୟିତ୍ୱ ରେ ଥିବା ଭାରପ୍ରାପ୍ତ ଇ -କୋ କ୍ଲବ ଶିକ୍ଷକ ତାପସ କୁମାର ଦଳେଇ ରହିଥିଲେ ।ଏହି ପରି ବ୍ଲକରେ ଥିବା ପ୍ରତ୍ୟେକ ବିଦ୍ୟାଳୟ ରେ ମଧ୍ୟ ଶିକ୍ଷା ସପ୍ତାହ ଚଳିତ ୨୨ ତାରିଖରୁ ଆରମ୍ଭ କରି  ୨୮ତାରିଖରେ ଶେଷ କରାଯିବ ବୋଲି ଜଣାପଡିଛି