କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ନିୟମଗିରି ପାର୍ଶ।ଲି ପଞ୍ଚାୟତର ଫାକେରୀ ଗ୍ରାମର ଶିତା ଶିକକା (ଶୁକ୍ରୁ) ଦାଦନ ଖଟିବାକୁ ଯାଇ ଭିକ୍ଷା ବୃତ୍ତି କରୁଥିବା ଦେଖିବାକୁ ମିଳିଛି । ସୁଚନା ଅନୁଯାୟୀ ଉକ୍ତ ଡଙ୍ଗରିଆ ଯୁବକ ପ୍ରାୟ ୧ ବର୍ଷ ହେବ କିଛି ସାଙ୍ଗମାନଙ୍କ ସହିତ ଦାଦନ ଖଟିବାକୁ କେରଳ ଯାଇଥିଲେ । କୌଣସି କାରଣରୁ ଏହି ଡଙ୍ଗରିଆ ଯୁବକ ଶିତାଙ୍କୁ କାମ ନ ମିଳିବାରୁ ଆର୍ଣ୍ଣାକୁଲାମ ଅଞ୍ଚଳରେ ଭିକ୍ଷା ବୃତ୍ତି କରୁଥିବା ଦେଖିବାକୁ ମିଳିଛି । ରାୟଗଡା ଅଞ୍ଚଳର ଜଣେ ବ୍ୟକ୍ତି ତାଙ୍କୁ ଦେଖି ସନ୍ଦେହରେ ପଚାରିବାରୁ ସେ କଲ୍ୟାଣସିଂହପୁରର ଶୁକ୍ରୁ ବୋଲି ନାମ କହିଥିଲା । ଉକ୍ତ ଯୁବକଟି ନିୟମଗିରି ପାର୍ଶ।ଲି ପଞ୍ଚାୟତର ଫାକେରୀ ଗ୍ରାମର ଶିତା ଶିକକା (ଶୁକ୍ରୁ)ବୋଲି ଜଣାପଡିଛି । ଉକ୍ତ ବିଷୟ ନେଇ ଥାନା ଏସଆଇ ସଞ୍ଜୟ କୁମାର ମୁର୍ମୁଙ୍କୁ ପଚାରିବାରୁ ସେ କହିଲେ ପାର୍ଶ।ଲି ପଞ୍ଚାୟତର ସରପଞ୍ଚଙ୍କ ସହିତ ଆଲୋଚନା କରି ଉକ୍ତ ଯୁବକକୁ ଆଣିବା ବ୍ୟବସ୍ଥା କରାଯିବ କହିଥିଲେ ।
Comments are closed.