କଳାପଥର (ବାଙ୍କୀ ): କଳାପଥର ସ୍ଥିତ ରାଧାମୋହନ ମନ୍ଦିର ପ୍ରାଙ୍ଗଣରେ ଶିଶୁ ମନ୍ଦିର ଛାତ୍ର ଛାତ୍ରୀମାନଙ୍କ ଦ୍ୱାରା ପବିତ୍ର ଜନ୍ମାଷ୍ଟମୀ ଉତ୍ସବ ଅନୁଷ୍ଠିତ ହୋଇଯାଇଛି। ସମ୍ପାଦକ ପ୍ରଦୀପ କୁମାର ପଟ୍ଟନାୟକ ତତ୍ତ୍ବାବଧାନରେ ଉକ୍ତ ଉତ୍ସବରେ ମୁଖ୍ୟଅତିଥି ଭାବେ ପ୍ରବଚକ ପଣ୍ଡିତ ଭାଗୀରଥି ମଲ୍ଲିକ୍, ସଙ୍ଗୀତଜ୍ଞ ଧ୍ରୁବ ଚରଣ ମହାପାତ୍ର, ଆଦର୍ଶ ଶିକ୍ଷକ ହରିହର ସାହୁ, ଧନେଶ୍ଵର ସାହୁ, ରାସଲୀଳା ଗୀତିକାର ନୀଳମଣି ସାଥୁଆ ପ୍ରମୁଖ କାର୍ଯ୍ୟକ୍ରମ ଉଦଘାଟନ କରିଥିଲେ।
ଏହି କାର୍ଯ୍ୟକ୍ରମରେ ୨୧୦ ଜଣ ଛାତ୍ରଛାତ୍ରୀ ବିଭିନ୍ନ ବେଶରେ ଭଗବାନ ଶ୍ରୀକୃଷ୍ଣଙ୍କର ଜୀବନୀ କାହାଣୀ ଉପରେ ଆଧାରିତ ପ୍ରଶ୍ନ ଉତ୍ତର ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ । କାର୍ଯ୍ୟକ୍ରମରେ କୃତୀ ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା।
ଉତ୍ସବରେ ରାଧାମୋହନ ପୀଠସ୍ଥଳୀରେ ଭକ୍ତମାନଙ୍କର ପ୍ରବଳ ସମାଗମ ସହିତ ନାମ ସଂକୀର୍ତ୍ତନ ହରିବୋଲ ହୁଳହୁଳିରେ ଉତ୍ସବ ମୁଖରିତ ହୋଇଥିଲା। ବିଦ୍ୟାଳୟର ପ୍ରଧାନ ଆଚାର୍ଯ୍ୟ କୃଷ୍ଣଚନ୍ଦ୍ର ରାଉତ ଦିବସର ତାତ୍ପର୍ଯ୍ୟ ସମ୍ପର୍କରେ ଆଲୋକପାତ କରିଥିଲେ।
Comments are closed.