କଳାପଥର(ବାଙ୍କୀ ) :କଟକରୁ ଭାୟା ବାଙ୍କୀ ଦେଇ ପତନୀ ଫେରୁଥିବା ଲୋକନାଥ ବସ ଭାରସାମ୍ୟ ହରାଇ ବାଙ୍କୀ ଟାଉନ ସ୍ଥିତ ନୃସିଂହ ଛକ ନିକଟରେ ଘଟାଇଛି । ଏହି ବସ ଦୁର୍ଘଣାରେ ଜଣେ ସାଇକେଲ ଚାଳକଙ୍କ ମୃତ୍ୟୁ ହୋଇଛି। ମୃତକ ସାଇକଲ ଚାଳକଙ୍କ ନାମ ଗଣେଶ୍ୱର ଦଳେଇ।ଘର ୧୩ ନମ୍ବର ୱାର୍ଡ ରଣପୁରରେ ବୋଲି ଜଣାପଡ଼ିଛି।
ଦୁର୍ଘଟଣାପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା।
ଲୋକେ ବିଭିନ୍ନ ଦାବି ନେଇ ରାସ୍ତାରୋକୋ କରିଥିଲେ। ଫଳରେ ବହୁ ଯାନବାହନ ଦୀର୍ଘ ସମୟ ପର୍ଯ୍ୟନ୍ତ ଅଟକି ରହିଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଆନ୍ଦୋଳନରତ ଲୋକଙ୍କୁ ବୁଝାସୁଝା କରିବା ପରେ ପରିସ୍ଥିତି ନିୟନ୍ତ୍ରଣକୁ ଆସିଥିଲା। ପୁଲିସ ମୃତଦେହ ଜବତ ପରେ ବ୍ୟବଚ୍ଛେଦ ପାଇଁ ଉପଖଣ୍ଡ ଚିକିତ୍ସାଳୟକୁ ପଠାଇ ତଦନ୍ତ ଆରମ୍ଭ କରିଛି। ଅପରପକ୍ଷରେ ଦୁର୍ଘଟଣା ଘଟାଇବା ପରେ ବସ ଡ୍ରାଇଭର ଘଟଣାସ୍ଥଳରୁ ଚମ୍ପଟ ମାରିଥିବା ସୂଚନା ମିଳିଛି।
ଶ୍ରୀଲୋକନାଥ ନାମକ ଘରୋଇ ବସ କଟକରୁ ଆସି ବାଙ୍କୀ ପହଞ୍ଚି ବସଷ୍ଟାଣ୍ଡରେ ପହଞ୍ଚି ଗାଡି ରଖିବା ପୂର୍ବରୁ ଘଟାଇଛି ଏଭଳି ଦୁର୍ଘଟଣା। ଯେଉଁଥିପାଇଁ ଯାଇଛି ଜଣଙ୍କ ଅମୁଲ୍ୟ ଜୀବନ। ସେପଟେ ଘଟଣା ସ୍ଥଳରେ ଚାପା ଉତ୍ତେଜନା ଲାଗି ରହିଛି। ଘଟଣାସ୍ଥଳରେ ବାଙ୍କୀ ପୁଲିସ ରହିଛନ୍ତି ମୁତୟନ ହେବା ସହିତ ପରିସ୍ଥିତି ଉପରେ ନଜର ରଖିଛି।
Comments are closed.