କଲମପୁର : ଗୁରୁବାର କଲମପୁର ମୁଖ୍ୟ ବଜାର ନିକଟରେ ଗୋଟିଏ ଅଜଣା ବାଇକ ଧକ୍କାରେ ଜଣେ ଆରୋହୀ ଗୁରୁତର ହେଇଛନ୍ତି। ତାଙ୍କୁ ସ୍ଥାନୀୟ ଲୋକ ଉଦ୍ଧାର କରି ଅଗ୍ନିଶମ ବିଭାଗ କର୍ମଚାରୀଙ୍କ ସହାୟତାରେ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଛନ୍ତି।
ସୂଚନା ଅନୁସାରେ ଥୁଆମୁଳ ରାମପୁର ଥାନା ଗୋପାଳପୁର ନିକଟସ୍ତ ଜାମଗୁଡା ଗ୍ରାମର ଦଶରଥ ନାଏକ ନାମକ ବ୍ୟକ୍ତି ଏକ ବାଇକ ଯୋଗେ କଲମପୁର ଆସିଥିଲେ। ନିଜ କାର୍ଯ୍ୟ ସାରି ପୁଣି ଥୁଆମୁଳ ରାମପୁର ରାସ୍ତାରେ ଫେରୁଥିବା ବେଳେ କଲମପୁର ମୁଖ୍ୟ ବଜାରରେ ବିପରିତ ଦିଗରୁ ଆସୁଥିବା ଏକ ଅଜଣା ବାଇକ ତାଙ୍କୁ ଧକ୍କା ଦେଇଥିଲା। ଫଳରେ ଦଶରଥ ଛିଟିକି ପଡି ଗୁରୁତର ହୋଇଥିଲେ। ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚ ଗୁରୁତର ଦଶରଥକୁ ଉଦ୍ଧାର ପରେ ଚିକିତ୍ସା ପାଇଁ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ।
ଗତ ବର୍ଷ କେବଳ କଲମପୁର ଜୁନାଗଡ ମୁଖ୍ୟ ରାସ୍ତାରେ ଦୁର୍ଘଟଣା ଯୋଗୁଁ ଅଞ୍ଚଳର ୧୦ ଜଣଙ୍କ ମୃତ୍ୟୁ ଘଟିଥିଲା। ତେଣୁ ଏଥିପ୍ରତି ପୁଲିସ ଏବଂ ପରିବହନ ବିଭାଗ ଗୁରୁତ୍ୱ ଦେଇ ବ୍ୟାପକ ସଚେତନତା ସୃଷ୍ଟି କରାଯାଇ ପାରିଲେ ଦୁର୍ଘଟଣା ରୋକାଯାଇ ପାରିବ।
