କଲମପୁର: କଲମପୁର ଥୁଆମୁଳ ରାମପୁର ମୁଖ୍ୟ ରାସ୍ତାର ଗୁମାବାହାଲ ଛକ ନିକଟରେ ଘଟିଛି ଏକ ଦୁର୍ଘଟଣା। ସାଇକଲକୁ ଧକ୍କା ଦେଇ ବାଇକ ଚାଳକ ଛିଟିକି ପଡିଥିଲେ। ଫଳରେ ଉଭୟ ବାଇକ ଚାଳକ ଏବଂ ସାଇକଲ ଚାଳକ ଗୁରୁତର ହେଇଛନ୍ତି। ସେମାନଙ୍କୁ ଉଦ୍ଧାର କରି ପ୍ରଥମେ କଲମପୁର ଗୋଷ୍ଟୀ ସ୍ୱାସ୍ତ୍ୟ କେନ୍ଦ୍ର ଓ ପରବର୍ତ୍ତି ସମୟରେ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି।
ସୂଚନା ଅନୁସାରେ ପଲାସ ଗ୍ରାମର ରୁଦ୍ର ପ୍ରସାଦ ମେହେର ନାମକ ଜନୈକ ବ୍ୟକ୍ତି ଏକ ବାଇକ ଯୋଗେ କଲମପୁର ଥୁଆମୁଳ ରାମପୁର ମୁଖ୍ୟ ରସ୍ତା ଦେଇ ରାୟଗଡା ଜିଲ୍ଲାର ଟିକିରିକୁ ଯାଉଥିଲେ। କିନ୍ତୁ ଗୁମାବାହାଲ ଛକ ନିକଟରେ ନିଜ ବାଇକରୁ ନିୟନ୍ତ୍ରଣ ହରାଇ ସାଇକଲ ଯୋଗେ ଯାଉଥିବା ଗୁମାବାହାଲ ଗ୍ରାମର ଶୁସିବନ୍ତ ମାଝୀଙ୍କୁ ଧକ୍କା ଦେଇଥିଲେ। ଫଳରେ ଉଭୟ ରୁଦ୍ର ପ୍ରସାଦ ଏବଂ ଶୁସିବନ୍ତ ରାସ୍ତାରେ ଛିଟିକି ପଡି ଗୁରୁତର ହେଇଥିଲେ।
ସ୍ଥାନୀୟ ଲୋକ ଉଭୟଙ୍କୁ ଉଦ୍ଧାର କରି ଏକ ଅଟୋ ସହାୟତାରେ ଚିକିତ୍ସା ପାଇଁ କଲମପୁର ଗୋଷ୍ଟି ସ୍ୱାସ୍ତ୍ୟ କେନ୍ଦ୍ରରେ ଭର୍ତି କରିଥିଲେ। ଉଭୟଙ୍କ ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ଆବଶ୍ୟକ ହେତୁ ଅଧିକ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ଉଭୟଙ୍କ ଅଣ୍ଟାରେ ମାଡ ହେଇଥିବା ଦାଇତ୍ୱରେ ଥିବା ଡାକ୍ତର ସୂଚନା ଦେଇଛନ୍ତି।
Comments are closed.