କଲମପୁର: ଏବେ ବଢୁଛି ଖରାର ପ୍ରକୋପ। ତା’ ସହ ଶୁଖି ଯାଉଛି ପାଣି ଉତ୍ସ। ନଦୀ ନାଳ ଝରଣା ଭଳି ପ୍ରାକୃତିକ ଜଳ ଉତ୍ସ ସମେତ କୁଅ ପୋଖରୀ ସବୁ ଶୁଖିଯାଉଥିବାରୁ ପ୍ରଭାବିତ ହେଉଛନ୍ତି ଗାଈ,ଗୋରୁ ଛେଳି ମେଣ୍ଢା ସମେତ ବନ୍ୟ ପ୍ରାଣୀ ଓ ପକ୍ଷୀ ସମୂହ। ଲୋକଙ୍କୁ ପାନୀୟ ଜଳ ମଧ୍ୟ ସହଜରେ ଉପଲବ୍ଧ ହେଉନଥିବା ବେଳେ ସ୍ନାନ ଶୌଚାଦୀ ପାଇଁ ବିଭିନ୍ନ ଅସୁବିଧାର ସମ୍ମୁଖିନ ହେବାକୁ ପଡୁଛି। ଦୀର୍ଘ ୨୨ ବର୍ଷ ପରେ ଚଳିତ ବର୍ଷ ଇନ୍ଦ୍ରାବତୀ ଜଳ ସେଚନ ବିଭାଗ ତରଫରୁ ଇନ୍ଦ୍ରାବତୀ ଦକ୍ଷିଣ ମୁଖ୍ୟ କେନାଲର ମରାମତି ପାଇଁ ଜଳ ସେଚନକୁ ବନ୍ଦ କରାଯାଇଛି। ତେଣୁ ପାଣି ଟିକିକ ପାଇଁ ଲୋକେ ଏବେ ଠାରୁ ତ୍ରାହୀ ତ୍ରାହୀ ଡାକିଲେଣି, ଆଗକୁ ଏପ୍ରିଲ ଓ ମଇ ଭଳି ଗ୍ରୀଷ୍ଣ ତାପ ପ୍ରକୋପର ମାସ ରହିଛି। ଏହାକୁ ଗୁରୁତ୍ୱ ଦେଇ ପଣ୍ଡିଗାଁ ନିକଟସ୍ଥ ଦେଇ ପ୍ରବିହାତି ହେଉଥିବା ଲିଟିଜୋରର ପାଣିକୁ ବାଲି ବସ୍ତା ପକାଇ ଅଟକାଉଛନ୍ତି ଗ୍ରାମବାସୀ। ଏହି ପାଣି ଅଟକିବା ପରେ ଲୋକଙ୍କ ସ୍ନାନ ଶୌ·ଦୀ ସହ ଗାଈ ଗୋରୁ ଛେଳି ମେଣ୍ଢା ସମେତ ଅନ୍ୟ ବନ୍ୟ ପ୍ରାଣୀ ଓ ପକ୍ଷୀଙ୍କ ପାଣି ପିଇବା ପାଇଁ ସୁବିଧା ହେଇ ପାରିବ। ତେଣୁ ଏଥିପାଇଁ ଗ୍ରାମବାସୀ ଶ୍ରମଦାନ କରି ଲିଟିଜୋରର ପ୍ରବାହିତ ପାଣିକୁ ଅଟକାଇବାର ସଫଳ ହେଇଛନ୍ତି। ତେଣୁ ପ୍ରଶାସନ ତରଫରୁ ଲୋକଙ୍କ ସୁବିଧା ପାଇଁ କେବଳ ଲିଟିଜୋର ନୁହେଁ କୁଲେଇଜୋର, ଘର୍ଲାଜୋର, ବଙ୍କାପଲା ନାଳ, ବୋଦେଲବନ୍ଧ ନାଳ, ଚୁରାଗାଁ ଜୋର ଆଦିର ବିଭିନ୍ନ ସ୍ଥାନରେ ବାଲି ବସ୍ତା ଦେଇ ପାଣି ସବୁକୁ ଅଟକାଇଲେ ଲୋକେ ଜଳ ସଙ୍କଟରୁ ମୁକୁଳି ପାରନ୍ତେ। ତେଣୁ ବ୍ଲକ ପ୍ରଶାସନ ଜାତୀୟ ବିପର୍ଯ୍ୟୟ ମୁକାବିଲା ପାଇଁ ଜରୁରୀକାଳୀନ ଭିତିରେ ଏହାର ସମାଧାନ କରିବାରେ ପ୍ରୟାସ କଲେ ଗ୍ରୀଷ୍ମ ତାପ ଓ ଜଳ ସଙ୍କଟର ସମାଧାନ କରାଯାଇ ପାରିବ।
Popular Categories
Previous article
Next article